စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူး(၃)ဦး တို့သည် (၂၈.၇.၂၀၂၅)ရက်နေ့ နံနက်(၁၀:၃၀)နာရီအချိန်တွင် အမှတ်(၂၄၆)၊ မက္ခရာမင်းသားကြီးမောင်ပျိုလမ်း၊ စက်မှုဇုန်(၂)၊ လှိုင်သာယာ(အရှေ့ပိုင်း) မြို့နယ်ရှိ Ocean Supermarket သို့ စားသုံးဆီအမျိုးမျိုး အား ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် Ocean Supermarket တာဝန်ခံမှ ပူးပေါင်းပါဝင်လျက် စားသုံးဆီ အမျိုးမျိုးအမှတ်တံဆိပ်များမှာ သိန္ဓိ၊ ငွေသဇင်မင်း၊ ဇမ္ဗူအေး၊ နှစ်သက်၊ ဧရာဝတီ၊ ရွှေအုံ၊ စံတော်ဝင်၊ ရန်ကုန်၊ ရွှေ၊ Forture နှင့် စံချိန် စားသုံးဆီအမျိုးမျိုးတွင် ဥပဒေအခန်း(၁၈)တွင် ဖော်ပြထားသော ကုန်အညွှန်အမှတ်အသားတွင် ဖော်ပြရမည့်အချက်များ ပြည့်စုံစွာ ပါဝင်ခြင်း ရှိ/မရှိကို စစ်ဆေးရာ ပြည့်စုံစွာပါရှိကြောင်း စစ်ဆေးတွေ့ရှိရပြီး မိမိဌာနမှလည်း အမှတ်တံဆိပ် မပြည့်စုံသော ကုန်ပစ္စည်း များအား ဈေးကွက်အတွင်းရောင်းချခြင်းမပြုရန် ဆွေးနွေးပြောကြား ခဲ့ကြောင်း သိရှိရပါသည်။
DOCA (ရန်ကုန်)