ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် စာဖတ်ရှိန်မြှင့်တင်ရေး လှုပ်ရှားမှု အခမ်းအနားကို ဇူလိုင်လ(၂၅)ရက်နေ့၊ နေ့လည် (၁၄:၀၀)နာရီအချိန်တွင် ကွမ်းခြံ ကုန်းမြို့နယ် အ.ထ.က(၁)ကျောင်း သီရိရတနာခန်းမ၌ ကျင်းပခဲ့ကြောင်း သိရှိရသည်။
အခမ်းအနားတွင် ပထမဦးစွာ မြို့နယ်စီမံအုပ်ချုပ်ရေးအဖွဲ့ အဖွဲ့ဝင် (၂) ဦးရဲတင့် အဖွင့် အမှာစကားပြောကြားခဲ့ပြီး မြို့နယ်ပညာရေးမှူး ဒေါ်အေးသန္တာစိုးက မုဒိတာ အမှာစကားများ ပြောကြားခဲ့သည်။ ဆက်လက်၍ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်နန့်ဆွေနွယ်ဦးက စာဖတ်ရှိန် မြှင့်တင်ရေးလှုပ်ရှားမှု ပြုလုပ်ရခြင်း၏ ရည်ရွယ်ချက်အား ရှင်း လင်းပြောကြားခဲ့ကြသည်။
ထို့နောက် စာဖတ်ရှိန် မြှင့်တင်ရေးလှုပ်ရှားမှု အခမ်းအနားတွင် ပါဝင်သော လူငယ်စကား ဝိုင်း၊ ပုံပြင်ပြောပြိုင်ပွဲ၊ ကဗျာရွတ်ပြိုင်ပွဲနှင့် ဂိမ်းကစားနည်းပြိုင်ပွဲတို့တွင် လူငယ်စကားဝိုင်းတွင် ဦးဆောင်ဆွေးနွေးသူအဖြစ် ပြန်/ဆက်ဦးစီးဌာနမှ ဦးစီးအရာရှိ ဒေါ်နန့်ဆွေနွယ်ဦးက ဆောင်ရွက် ပြီး ကျောင်းသား/ကျောင်းသူ (၅)ဦးတို့က လူငယ်နှင့် စာပေ၊ လူငယ်နှင့် ယဉ်ကျေးမှု၊ လူငယ်နှင့် ကျန်းမာရေး၊ လူငယ်နှင့် စာရိတ္တ၊ လူငယ်နှင့်အားကစားခေါင်းစဉ်တို့ဖြင့် အသီးသီး ဆွေးနွေးခဲ့ကြ ပြီး တက်ရောက်လာသော ကျောင်းသား/ကျောင်းသူများက သိရှိလိုသည့်များကို မေးမြန်းရာ ဆွေးနွေးသူများက ပြန်လည်ဖြေကြားခဲ့ကြောင်း သိရှိရသည်။ ဆက်လက်၍ ပုံပြောပြိုင်ပွဲ၊ ကဗျာ ရွတ်ပြိုင်ပွဲ၊ ဂိမ်းကစားပြိုင်ပွဲများကို ကျင်းပရာ မူလတန်းအဆင့် ကျောင်းသား/ကျောင်းသူများက ဝင်ရောက်ယှဉ်ပြိုင်ခဲ့ကြသည်။ ပြိုင်ပွဲများအပြီးတွင် ပထမ၊ ဒုတိယ၊ တတိယ ဆုများကို ချီးမြှင့်ခဲ့ ကြသည်။
ထို့နောက် ပြန်ဆက်ဦးစီးဌာနက ကျောင်းသား/ကျောင်းသူများ စာဖတ်ရှိန် မြင့်တက်လာ စေရန်၊ နံရံကပ်စာစောင်များ၊ သုတ၊ ရသစာအုပ်စာစောင်များကို ပြသထားရာ ဆရာ/ဆရာမများ နှင့် ကျောင်းသား/ကျောင်းသူများက ကြည့်ရှု့လေ့လာခဲ့ကြသည်။
အခမ်းအနားသို့ မြို့နယ်စီအံအုပ်ချုပ်ရေးအဖွဲ့၊ မြို့နယ်အမျိုးသမီးရေးရာအဖွဲ့ဝင်များ၊ ဌာနဆိုင်ရာအကြီးအကဲများ၊ ဆရာ/ဆရာမ၊ ကျောင်းသား/ကျောင်းသူများက တက်ရောက်ခဲ့ကြ ရာ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက အခမ်းအနားသို့ တက်ရောက်ခဲ့ပြီး ဆုများပေးအပ်ခဲ့ကြောင်း သိရှိရပါသည်။
DOCA(ရန်ကုန်)