ပြည်မြို့ရှိပွဲရုံများ တွင် အရောင်းအဝယ်ဖြစ်လျှက်ရှိသော ပဲကြီးနှင့် စားတော်ပဲ (ကျွန်း)သီးနှံဈေးမှာ ကောင်းမွန်နေပြီး အရောင်းအဝယ်သွက်လျက်ရှိပါသည်။ ပြည်ပတ်ဝန်းကျင်ရှိ ကံမ၊ ပန်းတောင်း၊ မင်းတုန်းမြို့များမှ ပဲများကို ပြည်ပွဲရုံများသို့ လာရောက်ရောင်းချကြပါသည်။
ဇူလိုင်လ ပထမပတ်တွင် ပဲကြီး(ရွှေကျွန်း)တစ်တင်းကို (၁၀၅၀၀၀)ကျပ်၊ ကုန်းပဲတစ်တင်းကို (၉၅၀၀၀)ကျပ်ဖြင့် တစ်ရက်ကိုအိတ် (၂၅၀)ခန့် အဝယ်ရှိပါသည်။ ဒုတိယပတ်တွင် ပဲကြီး (ရွှေကျွန်း)တစ်တင်းကို (၁၀၂၀၀၀)ကျပ်၊ ကုန်းပဲတစ်တင်းကို (၉၂၀၀၀)ကျပ်၊ တတိယပတ်တွင် ပဲကြီး(ရွှေကျွန်း)တစ်တင်းကို (၁၀၅၀၀၀)ကျပ်၊ ကုန်းပဲတစ်တင်းကို (၉၅၀၀၀)ကျပ်ဖြင့် မြို့တွင်း အဝယ်နှင့် ရန်ကုန်အဝယ် တစ်ရက်ကိုအိတ် (၂၀၀/၂၅၀)ခန့် ရှိခဲ့ပါသည်။ ဇူလိုင်စတုတ္တပတ်တွင် ပဲကြီး(ရွှေကျွန်း)တစ်တင်းကို (၁၀၅၀၀၀)ကျပ်၊ ကုန်းပဲတစ်တင်းကို (၉၅၀၀၀)ကျပ်ဖြင့် မြို့တွင်းပဲကြော်သမားများ တစ်ရက်ကိုအိတ (၂၅၀/၃၀၀)ခန့် အဝယ်ရှိခဲ့ပါသည်။
ပြည်ပွဲရုံများတွင် ဇူလိုင်လပထမပတ်တွင် စားတော်ပဲ(ကျွန်း)တစ်တင်းကို (၁၇၅၀၀၀) ကျပ် ဖြင့် မြို့တွင်းအဝယ်တစ်ရက်ကိုအိတ် (၂၅)အိတ်ခန့် အရောင်းအဝယ်ရှိပါသည်။ ဇူလိုင်ဒုတိယပတ် တွင် စားတော်ပဲ(ကျွန်း)တစ်တင်းကို (၁၇၅၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ်(၁၅) ခန့်ရှိခဲ့ပါသည်။ တတိယပတ်တွင် စားတော်ပဲဈေးမြင့်လာပြီး တစ်တင်းကို (၁၉၀၀၀၀-၁၉၅၀၀၀) ကျပ်ဖြင့် မြို့တွင်းအဝယ်တစ်ရက်ကိုအိတ် (၂၅)အိတ်ခန့် အဝယ်ရှိပါသည်။ ဇူလိုင်စတုတ္ထပတ်တွင် ပဲဈေးအေးနေပြီး ပဲတစ်တင်းကို (၁၉၀၀၀၀-၁၉၅၀၀၀)ကျပ်ဖြင့် မြို့တွင်းအဝယ်တစ်ရက်ကိုအိတ် (၂၅)အိတ်ခန့် အဝယ်ရှိကြောင်း သိရှိရပါသည်။
ပြည်ပွဲရုံများတွင် ပဲကြီးနှင့် စားတော်ပဲ အရောင်းအဝယ်သည် မြို့တွင်းသာရှိပြီး ပဲဈေး အမြင့်ဖြင့် အရောင်းအဝယ်ဖြစ်လျက်ရှိပါသည်။
DOCA(ပဲခူး)