နယူးဇီလန်နိုင်ငံ၏ စားသောက်ကုန်စျေးနှုန်းများသည် ၂၀၂၅ ခုနှစ် ဇွန်လတွင် ၄.၆ ရာခိုင် နှုန်း မြင့်တက်လာခဲ့ပြီး မေလတွင်လည်း ၄.၄ ရာခိုင်နှုန်းအနည်းငယ်မြင့်တက်လာခဲ့ကြောင်း နယူးဇီလန် စာရင်းအင်းဌာန Stat NZ က ဇူလိုင်လ ၁၇ ရက်နေ့က ပြောကြားခဲ့သည်။ ထိုမြင့်တက်မှုအတွက် အဓိကတွန်းအားမှာ ကုန်ခြောက်ပစ္စည်းများအပြင် အသား၊ကြက်ဥနှင့် ငါးနှစ်မျိုးစလုံးတို့၏ ကုန်ကျ စရိတ်များ ၄.၇ ရာခိုင်နှုန်းနှင့် ၆.၄ ရာခိုင်နှုန်း အသီးသီးမြင့်တက် လာသောကြောင့် ဖြစ်ကြောင်း Stat Nz မှပြောကြားချက်အရသိရသည်။ နို့စျေးနှုန်း ၁၄.၃ ရာခိုင်နှုန်း မြင့်တက်လာပြီး ထောပတ်စျေးနှုန်း ၄၆.၅ ရာခိုင်နှုန်းနှင့် ဒိန်ခဲစျေးနှုန်း ၃၀ ရာခိုင်နှုန်း မြင့်တက်လာသောကြောင့် နို့ထွက်ပစ္စည်းစျေးနှုန်း များမြင့်တက်လာကြောင်း သိရသည်။ ထောပတ်စျေးနှုန်းများသည် လွန်ခဲ့သည့် ၁၀ နှစ်ကထက် ၅ ဒေါ်လာမြင့်တက်လာပြီး ရာခိုင်နှုန်း အားဖြင့် ၁၂၀ ရာခိုင်နှုန်းမြင့်တက်လာခဲ့ ကြောင်း Stat Nz မှ ပြေားရေးဆိုခွင့်ရှိသူ Nicola Growden မှပြောကြားခဲ့သည်။
DOCA(ရန်ကုန်)