ဧရာဝတီတိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာနမှ ဖျာပုံခရိုင်၊ ဒေးဒရဲမြို့နယ် ၊တညင်းကုန်းကျေးရွာရှိ ကျေးလက်နေပြည်သူများ ဆင်းရဲနွမ်းပါးမှုလျော့ချရေး ဒေသတွင်း အလုပ်အကိုင် အခွင့်အလမ်းများရရှိစေရန်နှင့် တနိုင်တပိုင်ကိုယ်ပိုင်လုပ်ငန်းများ ထူထောင်၍ မိသားစုဝင်ငွေ ရရှိစေရန် ရည်ရွယ်ပြီး ဒီဇယ်အင်ဂျင်ပြုပြင်နည်းသင်တန်းကို ၂၅.၈.၂၀၂၂မှ ၈.၉.၂၀၂၂နေ့အထိ အခမဲ့ ဖွင်လှစ်သင်ကြားပေးမည်ဖြစ်ကြောင်း သိရသည်။
အဆိုပါသင်တန်းတွင် သင်တန်းဆရာများအဖြစ်ဌာနမှ ဦးထက်နိုင်ထွန်း၊ ဦးဇင်မောင်မောင် ဒု-ဦးစီးမှူးများမှ သင်တန်းသား ၃၀ဦးအား ဒီဇယ်တစ်လုံးထိုးအင်ဂျင်အစိတ်အပိုင်းများနှင့် အလုပ်လုပ်ပုံ၊နော်ဇယ်၊ ပလန်ဂျာများဖြုတ်တပ်ဆင်ခြင်း၊ ဆီလိုက်မှန်မမှန်စစ်ဆေးခြင်းတို့ကို စာတွေ့ လက်တွေ့သင်ကြားပေးသွားမှာဖြစ်ကြောင်း အသေးစားစက်မှုလက်မှုလုပ်ငန်းဦးစီးဌာနမှ သိရသည်။
DOCA(ဧရာဝတီ)