မကွေးတိုင်းဒေသကြီး၊ အထက်မင်းလှမြို့၊ ပန်းတောပြင်ကျေးရွာအုပ်စုရှိ မယ်ဇလီတောကျေးရွာ သည် ကုလားပဲ၊ ကြက်သွန်နီ၊ ဝါ၊ ပဲစဉ်းငုံ၊ နှမ်း၊ ခရမ်းချဉ်သီး၊ ပဲတီစိမ်း၊ သပြေပန်းနှင့် မေမြို့ပန်းတို့ကို ရာသီအလိုက်စိုက်ပျိုးကြပြီး ၂၀၂၅ခုနှစ်၊ မေလ(စတုတ္ထပတ်)တွင် တောင်သူ(၂၀)ဦးမှ ပဲတီစိမ်းစိုက်ဧက (၃၀)ဧကခန့်အား စိုက်ပျိုးထားကြောင်း သိရသည်။
မယ်ဇလီတောကျေးရွာနေ တောင်သူတစ်ဦးမှ ၎င်းအနေဖြင့် ပဲတီစိမ်းကို(၂)ဧကခန့် စိုက်ပျိုး ခဲ့ကြောင်း၊ ယခင်နှစ် မိမိစိုက်ခင်းမှထွက်ရှိသည့် ပဲတီစိမ်းစေ့များကို မျိုးအဖြစ်ဖယ်ချန်၍ စိုက်ပျိုးပြီး ရေဆင်း-၁၁၊ ရေဆင်း-၁၄ မျိုးကို အများဆုံးစိုက်ပျိုးကြကြောင်း၊ (၁)ဧကလျှင် မျိုး(၄)ပြည်ခန့်ကုန်ကျ ကြောင်း၊ ကုန်ကျစရိတ်အနေဖြင့် ယခင်နှစ်က လုပ်အားခ၊ မြေပြုပြင်ခနှင့် အခြားသွင်းအားစုစရိတ် အပါအဝင် ကျပ်(၆)သိန်းခန့်ကုန်ကျခဲ့သော်လည်း ယခုနှစ်တွင်မှုူ လုပ်အားခစရိတ်မြင့်တက်လာ၍ ကျပ် (၇)သိန်းခန့်ကုန်ကျကြောင်း၊ အထွက်နှုန်းအနေဖြင့် ၂၀၂၅ခုနှစ်၊ ဇူလိုင်လ(တတိယပတ်)တွင် စတင် ထွက်ရှိခဲ့ပြီး (၁)ဧကလျှင် (၁၀)တင်းမှ (၁၃)တင်း ထိထွက်ရှိကြောင်း၊ ဈေးနှုန်းအနေဖြင့် (၁)တင်းလျှင် ကျပ်(၁၃၅၀၀၀)ခန့်ရရှိခဲ့၍ အကျိုးအမြတ်အနေဖြင့် (၁)ဧကလျှင် ကျပ်(၆၅၀၀၀၀-၁၀၅၅၀၀၀)ခန့် ရရှိကြောင်း၊ ဈေးကွက်အနေဖြင့် အထက်မင်းလှမြို့ပေါ်ရှိပွဲရုံများသို့ တင်ပို့ရောင်းချကြောင်း၊ ထို့ပွဲရုံများမှတဆင့် မန္တလေးမြို့သို့ တိုက်ရိုက်တင်ပို့ကြကြောင်း သိရသည်။ ယခုဩဂုတ်လ(ပထမတ်)တွင် ပဲတီစိမ်း(၁)တင်းလျှင် ကျပ်(၁၂၀၀၀၀)ဖြင့် အရောင်းအဝယ်ဖြစ်လျက်ရှိကြောင်း၊ ပဲတီစိမ်းသီးနှံသည် ပြည်ပဝယ်ယူရှိသည့် သီးနှံဖြစ်သည့်အတွက် ယခုနှစ်တွင်မူ ရာသီဥတုသမမျှတ၍ ဈေးကောင်းရ သည့်အပြင် အထွက်နှုန်းပါကောင်းမွန်သည့်အတွက် တောင်သူများအနေဖြင့် ထိုက်သင့်သည့်အကျိုးအမြတ်များရရှိခဲ့ကြောင်း သိရှိရသည်။
DOCA(မကွေး)