ဩဂုတ်လ ပထမပတ်တွင် သုံးခွမြို့နယ်၌ အခြေခံစားကုန်များဖြစ်သော (ကုန်ခြောက်) ပစ္စည်းအမျိုးအစားအလိုက် အနေဖြင့် ကြက်သွန်နီဆိုဒ်စုံ တစ်ပိဿာလျှင် (၁၅၀၀မှ ၂၂၀၀)ကျပ် ထိ၊ ကြက်သွန်ဖြူရှမ်းစ တစ်ပိဿာလျှင် (၁၀၀၀၀မှ ၁၂၀၀၀)ကျပ်ထိ၊ ငရုတ်ရှည်တစ်ပိဿာ (၁၁၀၀၀)ကျပ်၊ ကုလားပဲဇံခြမ်း တစ်ပိဿာလျှင် (၆၅၀၀)ကျပ်၊ မန်းကျီးသီး တစ်ပိဿာလျှင် (၁၁၀၀၀)ကျပ်၊ အိုင်အိုဒင်းဆား တစ်ထုပ်လျှင် (၁၀၀၀)ကျပ်၊ အာလူးတစ်ပိဿာလျှင် အလုံး အကြီးအသေး ပေါ်မူတည်၍ (၅၀၀၀မှ ၅၅၀၀)ကျပ်ထိ၊ သကြားတစ်ပိဿာလျှင် (၅၃၀၀)ကျပ် ဈေးနှုန်းအသီးသီးတို့ဖြင့် သုံးခွမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ်လျက်ရှိကြောင်း သိရသည်။
အခြေခံစားကုန်(ကုန်ခြောက်) ဈေးနှုန်းများအနေဖြင့် ဝယ်ယူရရှိသည့် ကုန်စည်အမျိုးအစားအလိုက် ဈေးနှုန်းအနည်းငယ် ပြောင်းလဲမှုရှိသော်လည်း သိသာထင်ရှားစွာ ပြောင်းလဲမှု မရှိကြောင်း၊ ကုန်ခြောက်ပစ္စည်းများမှာ တစ်ရက်ခြားတစ်ခါ သုံးခွမြို့နယ် ဈေးကွက်အတွင်းသို့ ဝင်ရောက်လျက်ရှိပြီး ကုန်ခြောက်ပစ္စည်းများအား ရန်ကုန်ဘုရင့်နောင်ပွဲရုံမှ ဝယ်ယူ၍ ရောင်းချခြင်းဖြစ်ကြောင်း သိရှိရပါသည်။
DOCA (ရန်ကုန်)