မန္တလေးတိုင်းဒေသကြီး၊ ကျောက်ဆည်ခရိုင်တွင် ဆီထွက်သီးနှံမျိုးစုံ စိုက်ပျိုးလျက်ရှိရာ နေကြာသီးနှံကိုလည်း တောင်သူများမှ သီးထပ်သီးညှပ်စိုက်ပျိုးသည့်အပြင် သီးသန့်ဧကအလိုက် စိုက်ပျိုးလျက်ရှိပါသည်။ ၂၀၂၅-၂၀၂၆ ဘဏ္ဍာနှစ်၊ ကျောက်ဆည်မြို့နယ်တွင် နေကြာ(မိုး) စိုက်ဧက (၂၆၀၈)ဧက စိုက်ပျိုးထားရှိကြောင်း သက်ဆိုင်ရာဌာန၏ စာရင်းများအရသိရှိရပါသည်။ နေကြာ(မိုး) စိုက်ပျိုးမှုကုန်ကျစရိတ် အနေဖြင့် မျိုး၊ သွင်းအားစု၊ လုပ်သားခ အပါအဝင်(၃၅၀၀၀၀/-)ကျပ်ခန့် ကုန်ကျကြောင်း ၊ နေကြာ(မိုး)ကို မတ်လနှင့်ဧပြီလများတွင် စတင်စိုက်ပျိုးကြပြီး ယခုအချိန်တွင် နေကြာများရိတ်သိမ်းနေပြီဖြစ်ကြောင်း၊ နေကြာဈေးနှုန်းအနေဖြင့် ယခင်နှစ်တွင် တစ်တင်းလျှင် (၅၅၀၀၀/-)ကျပ် ဈေးနှုန်းရှိခဲ့ပြီး ယခုအချိန်တွင်လည်း တစ်တင်းလျှင်(၅၅၀၀၀/-)ကျပ် ဈေးနှုန်း များဖြင့်အရောင်းအဝယ်ဖြစ်နေပြီးဈေးနှုန်းတည်ငြိမ်နေကြောင်း၊အထွက်နှုန်းအနေဖြင့်(၂၀-၂၅)တင်း ခန့်ထွက်ရှိကြောင်း ၊ အကျိုးအမြတ်အနေဖြင့် (၇၅၀၀၀၀/-)ကျပ် မြတ်ခဲ့ကြောင်း ၊ နေကြာ စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။
DOCA (မန္တလေး)