ရွှေဘိုမြို့ ဈေးကွက်အတွင်းတွင် ဇူလိုင်လနောက်ဆုံးပတ်မှစတင်၍ နဂါးမောက်သီးများ လှိုင်လှိုင်ဝင်ရောက်လာကာ၊ ဒေသတွင်း ရွှေဘိုမြို့အနီးတဝိုက်ရှိ ကျေးရွာများမှ တစ်နိုင်တစ်ပိုင် စိုက်ပျိုးထွက်ရှိသော နဂါးမောက်သီး များအပြင် ပြင်ဦးလွင်မြို့၊ ကျောက်ပန်းတောင်းမြို့နှင့် ပုပ္ပါးမြို့တို့မှ နဂါးမောက်သီး များကိုလည်းမှာယူ၍ ရောင်းချလျက်ရှိပါသည်။
နဂါးမောက်သီးများကို ခြင်းပြတ်စနစ်ဖြင့် တစ်ဆင့်ဝယ်ယူရပြီး ၂၀၂၅ခုနှစ် ဩဂုတ်လ ပထမပတ်တွင် အလုံး အကြီး/ အသေးပေါ် မူတည်၍ နဂါးမောက်သီးအကြီးတစ်လုံးလျင် (၁၂၀၀)ကျပ်၊ အလတ်တစ်လုံး လျင်(၈၀၀)ကျပ်၊ အသေးတစ်လုံးလျင်(၅၀၀)ကျပ် ဈေးနှုန်းဖြင့် အရောင်းသွက်လျက်ရှိကြောင်း၊ နဂါးမောက်သီးများကို ဈေးအတွင်း လက်လီရောင်းချသော ဈေးသည်များကို ဖောက်သည် ပေးသည့် အပြင်၊ သစ်သီး ဖျော်ရည်ရောင်းချသည့် ဆိုင်များက ဝယ်ယူကြောင်း၊ ရွှေဘိုမြို့ အောင်ဇေယျဈေးအတွင်းရှိ သစ်သီးရောင်းချသူတစ်ဦးထံမှ သိရသည်။
DOCA(စစ်ကိုင်း)