မအူပင်မြို့နယ်တွင် သရက်ပင်များ စီးပွားဖြစ်စိုက်ပျိုးသူများ ရှိပြီး၊ နေအိမ်များတွင်လည်း သရက်ပင် စိုက်ပျိုးသူများပြားသည်။ သရက်သီးများ ဧပြီလတွင် ပိုမိုထွက်ရှိပြီး သရက်ချဉ်ပြုလုပ်၍ မိုးတွင်းကာလတွင် ရောင်းချသူ များပေါများသည်။ သရက်ချဉ်ပြုလုပ်၍ နှစ်စဉ် ရောင်းချသူများပြား၍ ဝင်ငွေရရှိကြောင်း သိရသည်။
သရက်သီးများကို သရက်ချဉ်ပြုလုပ်ရန်အကောင်းဆုံးအရွယ်အနေအထားတွင် လိုက်လံခူးယူပြီး ပုတ်တောင်ဖြင့် စိမ်ထားကြောင်း၊ ပုတ်တောင်းတစ်ခုတွင် သရက်သီးအလုံး ၈၀၀ခန့် ဝင်ဆန့်ကြောင်း၊ ပုတ်ဆောင်း ၁၅ပုတ်ခန့် ဖြင့် နှစ်စဉ်သိုလှောင်ထားပြီး ၄လအကြာတွင် သရက်ချဉ်ထုတ်၍ ဈေးကွက်အတွင်းရောင်းချကြသည်။ သရက်ချဉ်ပြုလုပ်သူများပြား ကြောင်းလဲသိရသည်။ သရက်ချဉ်ကို အလုံးလိုက်သာ ရောင်းချကာ ၁လုံးလျှင် ၃၀၀ကျပ်ဈေးရသည်။ သရက်ချဉ် နည်းပါးလာပါက ဈေးပိုကောင်းကြောင်း ၁လုံးလျှင် ၅၀၀ကျပ်ထိ ဈေးရကြောင်း သရက်ချဉ်ပြုလုပ်ရောင်းချသူမှ ပြောပြ၍ သိရသည်။ သရက်သီးစိုက်ပျိုးရာမှ သရက်သီးမှ ဝင်ငွေအမျိုးမျိုးရရှိလျက်ရှိသည်၊ သရက်သီးစိမ်းရောင်းချခြင်း၊ သရက်သီးမှည့်ရောင်းချခြင်း၊ သရက်ပျဉ်ပြုလုပ်ရန် ရောင်းချခြင်း၊ သရက်ချဉ်ပြုလုပ်ရန်ရောင်းချခြင်း များ ရှိသဖြင့် နှစ်စဉ် ဝင်ငွေရရှိသော သရက်ပင်ဖြစ်သောကြောင့် စိုက်ပျိုးသူများပြားကြောင်းခဲသိရသည်။
DOCA(ဧရာဝတီ)