ကယားပြည်နယ်သည် ဆီထွက်သီးနှံတစ်မျိုးဖြစ်သည့် နှမ်းကို မိုး/ဆောင်း (စိုက်ပျိုးကြပြီး လွိုင်ကော်ခရိုင်တွင် ရှားတော၊ ဒီးမော့ဆိုမြို့နယ်များ နှင့် ဘောလခရိုင်တွင် ဘောလခဲ၊ ရွာသစ်၊ ဖားဆောင်းမြို့နယ်များတွင်အဓိကစိုက်ပျိုးကြပါသည်။နှမ်းကိုပြည်နယ်တွင်းဆီကြိတ်ခွဲ၍ စားသုံးကြ သည့်အပြင် မန္တလေးသို့လည်း တင်ပို့လျက်ရှိပါသည်။ ၂၀၂၀ -၂၀၂၁ ခုနှစ် မိုး/ဆောင်းနှမ်းစိုက်ဧက (၂၅၇၁၁) ဧက၊ ရိတ်ဧက(၂၅၇၀၀)၊ အထွက်နှုန်း(၂၅၅၄၀၀)တင်း ထွက်ရှိခဲ့ပြီး ယခု ဩဂုတ်လ အတွင်း မိုးနှမ်းစတင်ပေါ်၍ ဈေးကွက်အတွင်း နှမ်းတစ်ပိဿာလျှင် (၄၅၀၀)ကျပ်၊ နှမ်းဆီ တစ်ပိဿာ လျှင် (၁၂၀၀၀)ကျပ်ဖြင့်ရောင်းချလျက်ရှိပြီး ဇူလိုင်လတွင် နှမ်းတစ်ပိဿာလျှင်(၄၀၀၀)ကျပ်၊ နှမ်းဆီ တစ်ပိဿာလျှင် (၁၀၀၀၀) ကျပ်သာရှိခဲ့ပြီး ယခင်လနှင့်ယခုလနှိုင်းယှဉ်လျှင် နှမ်းတစ်ပိဿာလျှင် (၅၀၀)ကျပ်၊ နှမ်းဆီ တစ်ပိဿာ လျှင် (၂၀၀၀)ကျပ်ခန့်ဈေးနှုန်းအနည်းငယ်မြှင့်တက်လာကြောင်း၊ ဈေးနှုန်းအနည်းငယ်မြှင့်တက်လာရခြင်းမှာ သွင်းအားစုနှင့် လုပ်သားစရိတ်မြင့်မားလာခြင်းကြောင့် ဖြစ်သည် ဟုထေးသမဆီစက်လုပ်ငန်းရှင်တစ်ဦးထံမှသိရပါသည်။
DOCA(ကယား)