“လယ်ယာထွက်ကုန်သီးနှံများ၏စျေးနှုန်းစျေးကွက်အခြေအနေ”

     မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက် ဒေသတစ်ခု ဖြစ်သောကြောင့် လယ်ယာထွက်ကုန်သီးနှံမျိုးစုံ အောင်မြင်ဖြစ်ထွန်းလျှက်ရှိပါသည်။၄င်းသီးနှံ များအနက်ကုလားပဲ၊ပဲတီစိမ်း၊နှမ်းသီးနှံများမှာ ယခုအချိန်ရိတ်သိမ်းပြီးစီးပြီဖြစ်၍ စျေးနှုန်းများ ကျဆင်းလျှက်ရှိပါသည်။ ကုလားပဲV2 တစ်တင်းလျှင် ပေါ်ခါစအချိန်တွင်(၁၀၃၀၀၀/-)ကျပ် ရှိရာမှဇူလိုင်လ နောက်ဆုံးအပတ်တွင် (၈၇၀၀၀/-)ကျပ် နှင့် သြဂုတ်လဆန်းတွင်(၈၂၀၀၀/-) ကျပ် ၊ ကုလားပဲထိုင်ဝမ် တစ်တင်းလျှင် ပေါ်ခါစအချိန်တွင်(၉၀၀၀၀/-)ကျပ် ရှိရာမှဇူလိုင်လ နောက်ဆုံးအပတ်တွင် (၈၀၀၀၀/-)ကျပ်နှင့်သြဂုတ်လဆန်းတွင်(၇၅၀၀၀/-)ကျပ်၊ ကုလားပဲ 929တစ်တင်းလျှင် ပေါ်ခါစအချိန်တွင်(၉၅၀၀၀/-)ကျပ်ရှိရာမှ ဇူလိုင်လ နောက်ဆုံးအပတ်တွင် (၈၃၀၀၀/-)ကျပ် နှင့် သြဂုတ်လဆန်းတွင်(၇၈၀၀၀/-)ကျပ်ဖြင့်လည်းကောင်း ၊ ပဲတီစိမ်း တစ်တင်းလျှင် ပေါ်ခါစအချိန်တွင်(၁၂၃၀၀၀/-)ကျပ်ရှိရာမှ ဇူလိုင်လ နောက်ဆုံးအပတ်တွင် (၁၂၀၀၀၀/-)ကျပ် နှင့် သြဂုတ်လဆန်းတွင်(၁၀၀၀၀၀/-)ကျပ်ဖြင့်လည်းကောင်း ၊ နှမ်းဖြူ တစ်တင်းလျှင် ပေါ်ခါစအချိန်တွင်(၁၂၆၀၀၀/-)ကျပ်ရှိရာမှ ဇူလိုင်လ နောက်ဆုံးအပတ်တွင် (၁၂၃၀၀၀/-)ကျပ်နှင့်သြဂုတ်လဆန်းတွင်(၁၀၅၀၀၀/-)ကျပ်၊ နှမ်းညို တစ်တင်းလျှင် ပေါ်ခါစ အချိန်တွင်(၁၀၃၀၀၀/-)ကျပ်ရှိရာ မှ ဇူလိုင်လ နောက်ဆုံးအပတ်တွင် (၉၇၀၀၀/-)ကျပ်နှင့် သြဂုတ်လဆန်းတွင်(၈၂၀၀၀/-)ကျပ်စျေးနှုန်းများဖြင့်ရောင်းဝယ်လျှက်ရှိပါသည်။ခရိုင်အတွင်း မြို့နယ်များရှိပွဲရုံများ၌ သီးနှံများအား ရောင်းဝယ်ရာတွင် မန္တလေးကုန်စည်ဒိုင်၏ နေ့စဉ် စျေးနှုန်းဖွင့်လှစ်မှုအပေါ်အခြေခံ၍ အရောင်းအဝယ်ပြုလုပ်လျှက်ရှိပြီး တောင်သူများမှလည်း စျေးနှုန်းများကျဆင်းသောကြောင့် တက်စျေးမျှော်၍ အိမ်၌ သိုလှောင်ထားသောကြောင့် ပွဲရုံများ၌ အရောင်းအဝယ်ပါးလျှက်ရှိကြောင်း မြစ်သားမြို့ရှိ သီးနှံမျိုးစုံရောင်းဝယ်သည့် ပွဲရုံများမှ သိရှိရပါသည်။

DOCA (မန္တလေး)