မန္တလေးတိုင်းဒေသကြီး၊ ကျောက်ဆည်ခရိုင်သည် အပူပိုင်းဒေသဖြစ်သည့်အလျောက် တမာ၊ ထနောင်း၊ မန်ကျည်းပင်များပေါက်ရောက်သည့်အပြင် ဆေးဖက်ဝင် စားသုံး၍ရသော တဇောင်းပင် များလည်း တောင်တန်းနှင့်တောင်ကုန်းများတွင် ပေါက်ရောက်လျက်ရှိပြီး အချို့ဒေသများတွင် တဇောင်းပင်ကို စီးပွားဖြစ် ဧကအလိုက် စိုက်ပျိုးလျက်ရှိပြီး မြို့နယ်အတွင်းဈေးများသို့ တဇောင်းခါးများ ဝင်ရောက်လျက်ရှိရာ တဇောင်းခါး လက်ကား (၁)ပိဿာလျှင် (၈၀၀၀/-)ကျပ်၊ လက်လီ (၁)ပိဿာလျှင်(၁၀၀၀၀/-)ကျပ်ဖြင့် ရောင်းဝယ်လျက်ရှိကြောင်း ၊ ကုန်စိမ်းသည်များမှာ စားသုံးသူများ အဆင်ပြေစေရန်အတွက် (၅၀၀/၁၀၀၀)ကျပ်တန် အထုပ်ကလေးများ ထုပ်၍လည်း ရောင်းချပေးကြောင်း ၊ တဇောင်းခါး စားသုံးခြင်းဖြင့် ကိုလက်စထရောကို ကျစေကြောင်း၊ နှလုံးသွေးကြောကျဉ်း ရောဂါကိုကာကွယ်နိုင်ကြောင်း ၊ ဆီးချိုရောဂါကို ကျစေကြောင်း၊ လိပ်ခေါင်း ရောဂါကိုလည်း သက်သာစေကြောင်း ၊ တဇောင်းခါး၏ အရသာသည် ချဉ်ခါးသက်သက်လေးမို့ ချက်ပြုတ်စားသုံးလျှင် ခံတွင်းကိုမိန်စေသောကြောင့် ကျန်းမာရေးအကျိုးကျေးဇူးများ ရရှိသော တဇောင်းခါးကို ဝယ်ယူစားသုံးသင့်ပါကြောင်း တင်ပြအပ်ပါသည်။
DOCA (မန္တလေး)