ကျိုက်မရောမြို့နယ်၊ နတ်စမ်းကျေးရွာ၌ ခြံပိုင်ရှင်များအနေဖြင့် ဘိုစားပဲသီးများ တစ်နိုင်တစ်ပိုင် စိုက်ပျိုးလျက်ရှိရာ အထွက်ကောင်းပြီး စျေးကောင်းလည်းရရှိသဖြင့် မိသားစု စားဝတ်နေရေး အဆင်ပြေလျက်ရှိကြောင်း သိရပါသည်။
အဆိုပါ ဘိုစားပဲသီးများကိုစိုက်ပျိုးရာ၌ ခြံရှင်များအနေဖြင့် ဘိုစားပဲသီးစေ့ကို အစေ့ လိုက်ချ၍ စိုက်ပျိုးပေးရပြီး အညွန့်လေးများတက်လာလျှင် တိုင်ထောင်ပေးရသည်။ မြေသြဇာအဖြစ် နွားချေးကိုအသုံးပြု၍ရကြောင်း၊ စိုက်ပြီး ၄၅ရက်ခန့်တွင် သန်မာကြီးထွားပြီး လတ်ဆတ်သည့် ဘိုစားပဲကို ဆွတ်ခူးကာ စျေးကွက်အတွင်း တင်ပို့ရောင်းချနိုင်ပြီဖြစ်ကြောင်း၊ ဘိုစားပဲကို မော်လမြိုင်မြို့ကြီးမှ ဖောက်သည်ဝယ်လက်များ၊ စားသောက်ဆိုင်ကြီးများမှ မှာယူမှု ပိုမို များပြားလာကြောင်း၊ ဘိုစားပဲတစ်ပိသာလျှင် ၅၀၀၀ကျပ်ထိ ဖောက်သည်ပေးရကြောင်း၊ တစ်ရက်ခြားခူးလျှင် ၂၅ ပိသာခန့်ရသဖြင့် တစ်ရက်ခြားဝင်ငွေ (၇၀၀၀၀)ခန့်ရကြောင်း နတ်စမ်း ကျေးရွာမှ ဘိုစားပဲသီးတစ်နိုင်တစ်ပိုင် စိုက်ပျိုးရောင်းချသူ ဒေါ်အေး၏ ပြောပြချက်အရ သိရသည်။
DOCA (မွန်)