ဆန်တင်သွင်းမှုယာယီပိတ်ပင်ခဲ့သည့် ဖိလစ်ပိုင်

      ကမ္ဘာ့အကြီးမားဆုံးဆန်တင်သွင်းသူများထဲမှတစ်ခုဖြစ်သည့် ဖိလစ်ပိုင်သည် ကောက်ရိတ် သိမ်းရာသီတွင် ပြည်တွင်းစိုက်ပျိုး‌‌ရေးသမားများ ဈေးနှုန်းကျဆင်းမှု၏သက်ရောက်မှုမခံရစေရန် အတွက် ဆန်တင်သွင်းမှုကို စက်တင်ဘာလ ၁ ရက်နေ့မှစ၍ ရက် ၆၀ ပိတ်ပင်ထားမည်ဟု သိရပါ သည်။ ၂၀၂၄ ခုနှစ်တွင် ဖိလစ်ပိုင်သည် ဆန်တန်ချိန် ၄.၈ သန်းတင်သွင်းခဲ့ပြီး အိမ်နီးချင်းနိုင်ငံများ ဖြစ်သည့် ဗီယက်နမ်နှင့် ထိုင်းတို့သည် အဓိကရောင်းချသူများဖြစ်ကြောင်း သိရပါသည်။ သို့သော် မှာယူလက်စအမှာများမှာ ထိုပိတ်ပင်မှု၏ သက်ရောက်မှုရှိမရှိအပေါ် ရှင်းလင်းမှုမရှိသေးကြောင်း သိရပါသည်။ အချက်အလက်များအရ ယခုနှစ်၏ ဒုတိယ ၃ လပတ်ကာလတွင် ဖိလစ်ပိုင်၏ စိုက်ပျိုးမွေးမြူရေးနှင့် ရေထွက်ကုန်ထွက်ရှိမှာ အမေရိကန်ဒေါ်လာ ၇.၆ ဘီလီယံဖြင့် ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ၅.၇ ရာခိုင်နှုန်းမြင့်တက်ခဲ့ကြောင်း သိရပါသည်။ ယခုနှစ်၏ ပထမ ၃ လပတ်ကာလတွင်လည်း ဆန်ထုတ်လုပ်မှုမှာလည်း ၀.၃ ရာခိုင်နှုန်းမှ ၁၃.၉ ရာခိုင်နှုန်းထိ မြင့်တက်ခဲ့ကြောင်း သိရပါသည်။ အစိုးရက အရေးပေါ်အစားအစာဖူလုံရေးကြေညာပြီးနောက် ဆန်ဈေးနှုန်းများကျဆင်းမှုက နှစ်စဉ်ငွေကြေးဖောင်းပွနှုန်းကို ဇူလိုင်လတွင် ၀.၉ ထိကျဆင်းရန် ကူညီပေးနိုင်ခဲ့ကြောင်း သိရပါသည်။ စီးပွားရေးကြီးထွားမှုအချက်အလက်က ယခုနှစ်၏ ဒုတိယ ၃ လပတ် ကာလတွင် ဖိလစ်ပိုင်၏ကြီးထွားနှုန်းကို ၅.၄ ရာခိုင်နှုန်းခန့်မှန်းခဲ့ကြောင်း သိရပါသည်။

Bangkok Post