စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် ဖီးကြမ်းငှက်ပျောသီးများ ရောင်းချလျက်ရှိကြောင်း သိရှိရပါသည်။
မုံရွာမြို့နယ်ဒေသအတွင်း စိုက်ပျိုးရေးကို အဓိကထား လုပ်ကိုင်ပြီး ဥယျာဉ်ခြံ စိုက်ပျိုးလုပ်ကိုင်ရာတွင် ရာသီစာ ဟင်းသီးဟင်းရွက်များကို စိုက်ပျိုးကြ သလို ဖီးကြမ်းငှက်ပျောကိုလည်း အများအပြား စိုက်ပျိုးကြကြောင်း သိရှိရပါသည်။
ယခုဩဂုတ်လဒုတိယအပတ်အတွင်း ဖြစ်ပေါ်နေသော ဖီးကြမ်းငှက်ပျောသီးဈေးနှုန်းမှာငှက်ပျောတစ်ဖီးလျှင် (၂၈၀၀-၃၅၀၀) ကျပ်ဖြင့်ရောင်းချပြီး ဖီးကြမ်းငှက်ပျောသီးကို ဈေးကွက် အတွင်းတွင် အဖီးလိုက်၊ အခိုင်လိုက် ရောင်းချလျက်ရှိကြောင်း ဖီးကြမ်းငှက်ပျောသီးရောင်းချသူ ထံမှ သိရှိရပါသည်။
DOCA (စစ်ကိုင်း)