ပဲခူးတိုင်းဒေသကြီး၊ ရွှေတောင်မြို့နယ်၊ မီးလောင်အုပ်စု၊ အင်္ဂလှိုင်ဂန်ကျေးရွာရှိ တောင်သူ ဒေါ်ခင်အုန်းမြင့်၏ ခရမ်းသီးစိုက်ခင်းသို့ (၁၁.၈.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် သွားရောက်ကွင်းဆင်းလေ့လာခဲ့ပါသည်။ခရမ်းသီးများကို မေလတွင် စတင်စိုက်ပျိုးပြီး ဇူလိုင်လကုန် ခါနီးနှင့် ဩဂုတ်လအတွင်း အသီးများကို စတင်၍ခူးဆွတ်ရပါသည်။စိုက်ဧက (၂)ယောက်စိုက်ရှိပြီး ခရမ်းသီးများကို (၅)ရက်ခြားတစ်ခါ ခူးစွတ်ပြီး တစ်ခါခူးလျှင် ပိဿာချိန် (၂၀)ကျော်ရရှိပါသည်။ (၁)ပိဿာလျှင် (၃၀၀၀)ကျပ်နှုန်းဖြင့် ကျောက်အိုးမှ ပွဲစားများမှ လာရောက်ဝယ်ယူပြီး နယ်များနှင့် ရန်ကုန်မြို့သို့ တင်ပို့ရောင်းချပါသည်။ (၄)လမှ (၅)အထိ ခူးဆွတ်ရောင်းချရပါသည်။ စတင်စိုက်ပျိုး ချိန်မှ ခူးဆွတ်ချိန်အထိ စုစုပေါင်း ကုန်ကျစရိတ်မှာ (၃)သိန်းရှိပြီး အကျိုးအမြတ်မှာ (၁၀)သိန်းခန့် ရှိနိုင်ကြောင်း၊ ဈေးနှုန်းအတက်အကျနှင့် အသီးအထွက်နှုန်းပေါ်မူတည်ပြီး အကျိုးအမြတ်ပြောင်းလဲ နိုင်ကြောင်း သိရှိရပါသည်။
DOCA(ပဲခူး)