မြေပဲမှာ စားသုံး ဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်း တို့ကြောင့် ပြည်တွင်းစျေးကွက်နှင့်ပြည်ပသို့ တင်ပို့သည့်သီးနှံဖြစ်ပြီး အရောင်းသွက်လျက်ရှိ ကြောင်းသိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက် နှုန်း ၄၆.၇၇ တင်း၊ အထွက်စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ်သြဂုတ်လ နောက် ဆုံးပတ်အတွင်းဖြစ်ပေါ်လျက်ရှိသည့်ပေါက်စျေးများမှာ မြေပဲတစ်ပိဿာလျှင် S1 လုံးဆံ ၇၄၀၀ ကျပ် နှင့် ၇၅၅၀ကျပ်၊S1 ဆီဆံ ၆၃၀၀ကျပ်နှင့် ၆၈၀၀ကျပ်၊S1 ရွေးဆံ၇၃၀၀ ကျပ်နှင့် ၇၃၅၀ကျပ်၊ အနီလုံးဆံ ၇၂၀၀ ကျပ်နှင့် ၇၄၀၀ကျပ်၊ Mတွဲဆီဆံ ၆၈၅၀ ကျပ်နှင့် ၇၀၀၀ကျပ်၊Mတွဲလုံးဆံ ၇၃၀၀ ကျပ်နှင့်၇၄၀၀ကျပ်၊ ပြန့်ဆီဆံ ၆၅၀၀ကျပ်နှင့်ပြန့်လုံးဆံ၆၇၀၀ ကျပ်တို့ဖြစ်ကြောင်းသိရပါသည်။ ယခင်နှစ်ကာလတူ တစ်ပိဿာစျေးမှာS1 လုံးဆံ ၉၈၀၀ ကျပ်နှင့် ၁၀၅၀၀ ကျပ်၊ S1 ဆီဆံ ၉၀၀၀ ကျပ်နှင့်၉၅၀၀ကျပ်၊အနီလုံးဆံ ၉၃၀၀ကျပ်နှင့်၉၅၀၀ကျပ်၊အနီဆီဆံ ၉၀၀၀ ကျပ်တို့ဖြစ်ကြောင်း သိရပါသည်။ယခင်နှစ်နှင့်ယခုနှစ် ကာလတူပေါက်စျေးနှိုင်းယှဉ်ပါက စျေးလျော့နည်းသွားကြောင်း သိရပါသည်။
DOCA(မန္တလေး)