ရှန်ဟိုင်းပူးပေါင်းဆောင်ရွက်ရေးအဖွဲ့(SCO)မှ အဖွဲ့ဝင်နိုင်ငံများနှင့် တရုတ်နိုင်ငံတို့ကြား ၂၀၂၄ ခုနှစ်အတွင်း ကုန်သွယ်မှုပမာဏသည် အမေရိကန်ဒေါ်လာ ၅၁၂ ဒသမ ၄ ဘီလီယံ အထိရောက်ရှိခဲ့ကြောင်း၊ထိုပမာဏသည် ၂၀၂၃ ခုနှစ်ကုန်သွယ်မှုပမာဏထက် ၂ ဒသမ ၇ ရာခိုင်နှုန်းမြင့်တက်ခဲ့ခြင်းဖြစ်ကြောင်း တရုတ်ကုန်သွယ်ရေး တာဝန်ရှိသူတစ်ဦးက ဩဂုတ်လ ၂၇ ရက်တွင်ပြောသည်။
၂၀၂၄ ခုနှစ်တွင် တရုတ်နိုင်ငံသည် SCO အဖွဲ့ဝင်နိုင်ငံများမှ ဒေါ်လာ ၉၀ ဘီလီယံတန်ဖိုးရှိ ရေနံစိမ်း၊ သဘာဝ ဓာတ်ငွေ့နှင့် ကျောက်မီးသွေးများ၊ ဒေါ်လာ ၁၃ ဒသမ ၆၆ ဘီလီယံတန်ဖိုးရှိ စိုက်ပျိုးရေးထုတ်ကုန်များကို တင်သွင်းခဲ့ ကြောင်း ကုန်သွယ်ရေးဝန်ကြီးဌာနမှ ဒုတိယဝန်ကြီး လင်းကျီက သတင်းစာရှင်းလင်းပွဲတွင် ပြောသည်။
ထို့ပြင် SCO အဖွဲ့ဝင်နိုင်ငံများမှ စွမ်းအင်တင်သွင်းမှုပမာဏစုစုပေါင်းသည် တရုတ်နိုင်ငံက ပြည်ပမှစွမ်းအင်တင် သွင်းမှုစုစုပေါင်း၏ ငါးပုံတစ်ပုံရှိကြောင်း လင်းကျီကဆက်ပြောသည်။ အလားတူ တရုတ်နိုင်ငံနှင့် SCO အဖွဲ့ဝင်နိုင်ငံများ ကြား ရင်းနှီးမြှုပ်နှံမှုနှင့် စက်မှုကဏ္ဍပူးပေါင်း ဆောင်ရွက်မှုသည် ပြီးခဲ့သည့်နှစ်များအတွင်း တိုးတက်လာကြောင်း ကုန် သွယ်ရေး ဝန်ကြီးဌာနမှ တာဝန်ရှိသူတစ်ဦးဖြစ်သည့် ကျန်းလီကပြောသည်။
ထို့အတူ SCO အဖွဲ့ဝင်နိုင်ငံများအတွင်းတရုတ်နိုင်ငံက ကုမ္ပဏီပေါင်း ၃၀၀၀ ကျော်ကိုတည် ထောင်နိုင်ပြီး နှစ်စဉ်အလုပ်အကိုင်အခွင့်အလမ်းပေါင်း နှစ်သိန်းကျော်ကိုဖန်တီးပေးနိုင်ကြောင်း ကျန်းလီကဆက်ပြောသည်။ SCO အဖွဲ့ကို ၂၀၀၁ ခုနှစ်တွင် စတင်ဖွဲ့စည်းခဲ့ခြင်းဖြစ်ပြီး သက်တမ်း အားဖြင့် ၂၄ နှစ်သို့ရောက်ရှိလာချိန်တွင် ထိုအဖွဲ့၏ ဖွံ့ဖြိုးတိုးတက်မှုသည် ကမ္ဘာ့လူဦးရေထက် ဝက်နီးပါးကိုကိုယ်စားပြုသည့် အခြေအနေအထိ ရောက်ရှိလာပြီ ဖြစ်သည်။
Source:https://myawady.net.mm/node/74493
DOCA(ပြည်ထောင်စုနယ်မြေ)