စိုက်ပျိုးထုတ်လုပ် ရောင်းချသူများ အတွက် ဟင်းချက်စရာတစ် မျိုးဖြစ်သည့်ခရမ်းချဉ်သီးမှာ ဈေးကောင်းရနေကြောင်း မြို့မဈေးသည်များထံမှသိရှိရပါသည်။ ပခုက္ကူမြို့မဈေး၊ အမှတ်(၂) ဈေးနှင့်အနောက်ပန်းခြံ ဈေးတို့တွင် ရှမ်းပြည်နယ် အင်းလေးဒေသမှ လာသောထိုင်ဝမ် ခရမ်းချဉ်သီး၊ မန္တလေးတိုင်းဒေသကြီး ကျောက်ပန်းတောင်းနှင့် ပုပ္ပါးနယ်မှလာသော ခရမ်းချဉ် သီးများမှာ လက်ကားတစ်ပိဿာလျှင် (၁၈၀၀)ကျပ်မှ (၂၈၀၀ )ကျပ်ထိဈေးတက်နေကြောင်း သိရှိရပါသည်။
ယခင်ဩဂုတ်လတွင် ခရမ်းချဉ်သီး လက္ကားတစ်ပိဿာ (၁၀၀၀) ကျပ်ရှိခဲ့ပြီး၊ယခု စက်တင်ဘာလ(၁) ရက်နေ့မှစ၍ လက္ကားတစ်ပိဿာ (၁၈၀၀ - ၂၆၀၀ - ၂၈၀၀)ကျပ်ထိ ဈေးတက်ခဲ့ပြီး ယခင်လနှင့် နှိုင်ယှဉ်ပါက တစ်ပိဿာလျှင် (၁၈၀၀)ကျပ်ထိ ဈေးတက်နေကြောင်း မြို့မဈေးသည်များထံမှ သိရှိရပါသည်။ ထိုသို့ဈေးတက်ရခြင်းမှာ သွင်းအားစုဈေးနှုန်းများ ကြီးမားခြင်း၊ စက်သုံးဆီဈေးနှုန်းများကြီးမားခြင်းနှင့် သယ်ယူစရိတ်ကြီးမားခြင်းတို့ကြောင့် ဖြစ်ကြောင်းသိရှိရပါသည်။
DOCA(မကွေး)