မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ်သည့် မိုးမြေပဲကို အဓိကစိုက်ပျိုးလျက်ရှိပြီး ဆောင်းမြေပဲကို အနည်းငယ်သာ အနည်းငယ်သာစိုက်ပျိုးမှုရှိပါသည်။ ၂၀၂၄ -၂၀၂၅ ခုနှစ်တွင် မိုးမြေပဲကိုစိုက်ပျိုးရန်လျာထားမှုအနေဖြင့်(၅၈၂၇၁)ဧကဖြစ်ပြီး၊ မိုးရာသီကုန်အထိ စိုက်ပျိုးမှုမှာ(၆၅၈၉၉)ဧက စိုက်ပျိုးခဲ့ပြီး ရိတ်သိမ်းဧကအနေဖြင့်(၆၅၈၉၀)ဧက ရာသီကုန် အထိရိတ်သိမ်းခဲ့ပြီး အထွက်နှုန်းမှာ(၅၁.၄၉)တင်းနှုန်းဖြင့် အထွက်တင်းစုစုပေါင်း (၃၃၉၃၀၀၄) တင်း ထွက်ရှိခဲ့သည်။ ဆောင်းမြေပဲစိုက်ပျိုးရန်လျာထားမှု(၃၁၉)ဧက ရှိပြီး (၁၈၅)ဧက စိုက်ပျိုးခဲ့ပြီး ရိတ်သိမ်း ဧကမှာ (၁၈၅)ဧက ရိတ်သိမ်းခဲ့ပြီး တစ်ဧကပျမ်းမျှအထွက်နှုန်းမှာ (၄၈.၁၂)တင်းနှုန်းဖြင့် အထွက်တင်း စုစုပေါင်း(၈၉၀၂)တင်းထွက်ရှိခဲ့ပါကြောင်း၊ ၂၀၂၅-၂၀၂၆ ခုနှစ်တွင် မိုးမြေပဲစိုက်ပျိုးရန် လျာထားမှုအနေဖြင့်(၆၃၅၀၀)ဧကဖြစ်ပြီး မိုးရာသီကုန်တွင်( ၃၁၉၁၄)ဧစိုက်ပျိုးခဲ့ပြီး ရိတ်ဧကမှာ(၂၃၂၀၀)ဧက ရိတ်သိမ်း ခဲ့ပြီးတစ်ဧကပျမ်းမျှအထွက်နှုန်းမှာ(၅၂.၄၇)တင်းထွက်ရှိခဲ့သည်။ အထွက်နှုန်းစုစုပေါင်းမှာ (၁၂၁၇၃၀၄) တင်း ထွက်ရှိခဲ့ပါသည်။ ဆောင်းမြေပဲစိုက်ပျိုးရန်လျာထားမှုမှာ (၃၁၉)ဧက ရှိပါသည်။ ထွက်ရှိသောမြေပဲများကို ကျောက်ပန်းတောင်းမြို့နှင့် ထိစပ်လျက်ရှိသော ကျေးရွာများမှ မြို့ပေါ်ရှိပွဲရုံများနှင့် ဆီစက်များသို့ လာရောက်ရောင်းချကြပါသည်။
၂၀၂၄-၂၀၂၅ ခုနှစ်၊ ဩဂုတ်လတွင် မြေပဲဆီဆံတစ်တင်းလျှင်(၁၀၅၀၀၀)ကျပ်၊ မြေပဲလုံဆံ တစ်တင်းလျှင်(၁၃၀၅၀၀)ကျပ်နှင့် မြေပဲမျိုးဆံတစ်တင်းလျှင်(၁၃၅၀၀၀)ကျပ်ဝန်းကျင်ဖြင့် အရောင်းအဝယ်ဖြစ်လျက်ရှိပါသည်။ ၂၀၂၅-၂၀၂၆ ခုနှစ်ကာလတူလတွင် မြေပဲဆီဆံတစ်တင်းလျှင် (၁၀၅၀၀၀) ကျပ်၊ မြေပဲလုံးတစ်တင်းလျှင်(၁၀၈၀၀၀)ကျပ်နှင့် မြေပဲမျိုးဆံတစ်တင်းလျှင်(၁၂၀၀၀၀)ကျပ်ဝန်းကျင်ဖြင့် အရောင်းအဝယ်ဖြစ်လျက်ရှိနေသည်။
၂၀၂၅-၂၀၂၆ ခုနှစ်တွင် ကျောက်ပန်းတောင်းမြို့နယ်၏ မြေပဲတစ်ဧကကုန်ကျစရိတ်အနေဖြင့် (၉၄၁၀၀၀)ကျပ်ဝန်းကျင်ကျသင့်ပြီး တစ်ဧကပျမ်းမျှအထွက်တင်းမှာ(၅၂.၄၇)တင်းနှုန်းထွက်ရှိခဲ့သည်။ ယခုမြေပဲတောင့်တစ်တင်းလျှင်(၃၂၀၀၀)ကျပ်နှုန်းရောင်းချခဲ့ရပြီး တစ်ဧကဝင်ငွေ(၁၆၇၉၀၄၀)ကျပ်နှုန်းရရှိ၍ တစ်ဧကတောင်သူအကျိုးအမြတ်မှာ(၇၃၈၀၄၀)ကျပ်ရရှိခဲ့သည်။ ဒေသထွက်မြေပဲများကို ယခင်က အခြားဒေသများသို့ တင်ပို့ရောင်းချမှုများရှိခဲ့သော်လည်း ယခုအချိန်တွင် ပြည်ပသို့ရောင်းချမှုနည်းပါးလာပြီး ဒေသတွင်း၌သာ ဆီကြိတ်ခွဲသုံးစွဲမှုများလာသည်။ တောင်သူအကျိုးအမြတ်ရရှိသော မြေပဲကို ပိုမိုစိုက်ပျိုးပြီး ပြည်ပသို့ရောင်းချမှုမပြုဘဲ ပြည်တွင်း၌သုံးစွဲခြင်း၊ ဆီကြိတ်ခွဲရောင်းချခြင်းများပြုလုပ်ပါက ဒေသတွင်းဆီစားသုံးမှုဖူလုံလာခြင်း၊ တိရစ္ဆာန်အစားအစာများပေါများလာခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်းများပိုမိုရရှိစေခြင်းအပြင် ဘေးအန္တရာယ်ကင်းသောဆီများ စားသုံးရခြင်းကြောင့် ကျန်းမာရေးညီညွတ်ကောင်းမွန်လာစေခြင်း စသည့်အကျိုးကျေးဇူးများရရှိစေသည့်အတွက် အကျိုးကျေးဇူးများစွာရရှိစေသော ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါကြောင်း သိရှိရပါသည်။
DOCA(မန္တလေး)