အသားဈေးကွက်တွင် ကြက်သားသည်အမြင့်ဆုံးစားသုံးမှုနှုန်း ရှိပါသည်။ ကြက်သားတွင် အခြားအသားအမျိုးအစားများထက် အဆီနည်းပြီး ကြံ့ခိုင်သန်မာသောအဆစ်၊ ကြွက်သားများ ဖွံ့ဖြိုးစေသော(ပရိုတင်း)ကြွယ်ဝမှုကြောင့် လူနာများ၊ ကျန်းမာရေးဂရုစိုက်သူများ စားသုံးနေကြ ပြီး မိမိတို့၏ နေ့စဉ်ဟင်းလျာများတွင် ကြက်သားဟင်းသည် အဓိကပါဝင်နေသောကြောင့် ဈေးနှုန်းသည်လည်း တဖြည်းဖြည်းမြင့်တက်လျက်ရှိပါသည်။ လွိုင်ကော်မြို့၊ သီရီမင်္ဂလာဈေးတွင် ရောင်းချနေသောကြက်သားဈေးနှုန်းများမှာ ဒေသတွင်းရှိ ကြက်မွေးမြူရေးခြံများမှရရှိပြီး တစ် ပိဿာလျှင် ကြက်(CP)အသားတိုး၂၂၀၀၀/-ကျပ်၊ ကြက်(CP)ဥနှုန်းကျ ၂၄၀၀၀/-ကျပ်၊ ကြက် (ဗမာ) ၃၅၀၀၀/-ကျပ်ဖြင့် ရောင်းချနေကြသည်ကို ဈေးသည်(၁)ဦးထံမှ သတင်းရရှိပါသည်။
DOCA(ကယား)