ယခု စက်တင်ဘာလ ပထမပတ် ပြည်ဈေးကွက်၌ ကြက်သွန်နီဈေးနှုန်းများ တစ်ပိဿာလျှင် ယခင်အပတ်ထက် ကျပ် ၄၀၀ခန့် ဆက်လက်မြင့်တက်သွားကြောင်း သိရပါသည်။ ဆိပ်ဖြူ၊ အောင်လံဘက်မှ ကြက်သွန်နီ (၂၅)ပိဿာ ဝင်အိတ် ၃၀၀ခန့် နေ့စဉ်အဝင်ရှိနေပါသည်။ ပန်းတောင်း(ဥသျှစ်ပင်)၊ သာယာဝတီခရိုင်နှင့် ဧရာဝတီ (ကြံခင်း) ဘက်တို့သို့ စီးဆင်းရောင်းဝယ်မှုနဲ့ အတူ ပြည်ဒေသတွင်း ဈေးကွက် ရောင်းဝယ် မှုအပါအဝင် ဝင်ရောက်မှုရဲ့ ထက်ဝက်ခန့် နေ့စဉ် အရောင်းအဝယ်ဖြစ်နေပါတယ်။ ဈေးနှုန်း များအနေနဲ့ ပွဲရုံဈေး တစ်ပိဿာလျှင် (ကြီး/လတ်/သေး) ကျပ် ၃၂၀၀/၃၃၀၀/၃၄၀၀ တို့ရှိပြီး လက်လီ ဈေးအသေး များတွင် ကြီး/လတ်/သေး ကျပ် ၃၅၀၀/၃၇၀၀-၃၈၀၀/၃၉၀၀-၄၀၀၀ နှုန်းတို့ဖြင့် အသီးသီး ရောင်းဝယ် လျှက်ရှိနေကြောင်း သိရှိရပါသည်။
DOCA(ပဲခူး)