၂၅.၈.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ ပေါင်မြို့နယ်တာဝန်ခံ ဦးအောင်မျိုးဦးသည် ပေါင်မြို့နယ်၊ ရပ်ကွက်ကျေးရွာများရှိ ဆန်/စပါး သိုလှောင်ရုံများအား ကွင်းဆင်းစစ်ဆေးခဲ့သည်။ ထိုသို့စစ်ဆေးရာတွင် ဆန်/စပါးသိုလှောင်ရုံများ ၌ သိုလှောင်ခြင်း၊ ဈေးနှုန်းမြှင့်တင်ရောင်းချခြင်းအလို့ငှာ သိုလှောင်ထားခြင်း ရှိ/မရှိ စစ်ဆေးခဲ့ပါသည်။
ထို့အပြင် ဆန်ဈေးနှုန်းများကိုလည်းမြို့နယ်ဆန်စက်လုပ်ငန်းရှင်များအသင်း၊ ဆန်ကုန်သည်အသင်းတို့မှ တာဝန်ရှိသူများနှင့်တွေ့ဆုံ၍ ဈေးနှုန်းဈေးကွက်အခြေအနေများအားလည်း မေးမြန်းခဲ့ပါသည်။ ဈေးနှုန်းအနေဖြင့် ပေါ်ဆန်းတစ်အိတ်(ဒေသထွက်)လျှင် လက်ရှိ (၁၀၀၀၀၀) ကျပ်နှင့် ဧည့်မထ (ဂျပန်)တစ်အိတ်လျှင် (၆၉၀၀၀) ကျပ်ဖြင့် လက်ရှိအရောင်းဝယ်ရှိကြောင်း သိရပါသည်။ ပေါင်မြို့နယ်သည် ဆန်ပိုဒေသဖြစ်သော်လည်း စားသုံးသူများလိုအပ်ချက်အရ အခြားပေါ်ဆန်းမျိုးစုံအား ဝယ်ယူရောင်းချလျက်ရှိကြောင်းလည်း သိရသည်။ လက်ရှိ အခြေအနေအရ ဆန်ဈေးနှုန်းများမှာ တည်ငြိမ်လျက်ရှိကြောင်းနှင့် ပုံမှန်ရောင်းဝယ်လျက်ရှိကြောင်း သိရပါသည်။
DOCA (မွန်)