ပြည်ပဲဈေးကွက်တွင် ပြည်ပဝယ်လက်ပဲများ ဈေးကောင်းရ၍အရောင်းအဝယ်ဖြစ်နေသလို ပြည်တွင်းစားသုံးမှုအနေဖြင့် လက်လီရောင်းဝယ်မှုဖြစ်တဲ့ ပဲများလည်းဈေးကောင်းရခဲ့ကြကာ စားတော်ပဲ သီးနှံအနေဖြင့် တစ်တင်း ၁၃၀၀၀၀ကျပ်အထိ ဈေးကောင်းရလျှက် ပဲဈေးကွက်မှာ ဈေးအမြင့်ဆုံး ရနေခဲ့ကြောင်း သိရှိရပါသည်။ လက်လီရောင်းဝယ်မှုသာ ဖြစ်သည့်အတွက် တစ်ရက် အိတ် ၂၀ကျော် ပုံမှန်ရောင်းဝယ်ခဲ့ရပြီး ပဲအဝင်မရှိဘဲ လက်ကျန်ပဲများဖြင့် အရောင်းအဝယ် ဖြစ်နေခဲ့ပါသည်။ စားတော်ပဲသီးနှံမှာ နှစ်စဉ်လိုလို ဈေးကောင်းရခဲ့သောကြောင့် ယခင်နှစ်က စက်တင်ဘာလအတွင်း တစ်တင်း ၇သောင်းကျပ်ရခဲ့ကာ ယခုနှစ်တွင် ယခင်နှစ်ထက် ကျပ် ၅သောင်း ကျော်ခန့် ဈေးမြင့်တက်လာခဲ့ကြောင်း သိရှိရပါသည်။
DOCA(ပဲခူး)