ပါကစ္စတန် ဆန်တင်ပို့သူများအသင်း (REAP) သည် မကြာသေးမီက ရေလွှမ်းမိုးမှုများ ကြောင့် ပန်ဂျပ်ပြည်နယ်တွင် စပါးသီးနှံ စုစုပေါင်း၏ ၁၀ ရာခိုင်နှုန်းမှ ၁၂ ရာခိုင်နှုန်းခန့်သာ ထိခိုက်နိုင်ဖွယ်ရှိကြောင်း ခန့်မှန်းထားပြီး ကြီးကြီးမားမား ပျက်စီးမှုရှိသည်ဟူသော ချဲ့ကားပြော ဆိုမှုများကို ဆန့်ကျင်ခဲ့သည်။
REAP အသင်း၏ ဒုတိယဥက္ကဋ္ဌ Javed Jilani က အသင်း၏ ခန့်မှန်းချက်များအရ ရေလွှမ်းမှု များသည် ပန်ဂျပ်ရှိ လယ်မြေဧက ၆၀၀,၀၀၀မှ ၇၀၀,၀၀၀ အထိ အများဆုံး ထိခိုက်နိုင်ပြီး စပါးသီးနှံ စုစုပေါင်း၏ ၁၀ ရာခိုင်နှုန်းမှ ၁၂ ရာခိုင်နှုန်းခန့်သာ ထိခိုက်နိုင်ကြောင်း ပြောကြားခဲ့သည်။ အဆိုပါ ကိန်းဂဏန်းများသည် တရားဝင်ကောက်ယူထားသည့် စစ်တမ်းများဖြစ်ပြီး ကောက်ပဲသီးနှံ ၆၀ ရာခိုင်နှုန်း ပျက်စီးခဲ့သည်ဆိုသည့်အချက်အား ပြင်းပြင်းထန်ထန် ကန့်ကွက်ပါကြောင်း ၎င်းက ဆိုသည်။
ရေကြီးမှုကြောင့် ဒေသအများအပြားတွင် သိသိသာသာ ပျက်စီးဆုံးရှုံးမှုများရှိခဲ့သော်လည်း အဆိုပါ ရေကြီးမှုသည် ယခင်က ရေပြတ်လပ်မှုကြုံတွေ့ခဲ့ရသည့် ဒေသများရှိ စပါးသီးနှံအတွက် အကျိုးပြုနိုင်ကြောင်း Jelani က ပြောကြားခဲ့သည်။
Javed Jilani က နိုင်ငံတကာဈေးကွက်နှင့် ပတ်သက်၍ မှတ်ချက်ပေးရာတွင် အိန္ဒိယသည် လက်ရှိ၌ ဆန်များကို လျှော့ဈေးဖြင့်ရောင်းချနေပြီး ပါကစ္စတန်၏ ကောက်ပဲသီးနှံနှင့်ပတ်သက်၍ အပြုသဘောမဆောင်သည့် မှန်ကန်မှုမရှိသော အစီရင်ခံစာများ ပျံ့နှံ့နေခြင်းသည် ပြည်ပဝယ်လက် များကို အနှောင့်အယှက်ဖြစ်စေနိုင်ကြောင်း ၎င်းက သတိပေးခဲ့သည်။
အဆိုပါ သတင်းမှားများကြောင့် ပါကစ္စတန်မှ တင်ပို့သူများသည် ၎င်းတို့၏ ကတိကဝတ် များကို ဖြည့်ဆည်းပေးနိုင်ခြင်း ရှိ/မရှိ သံသယများ တိုးလာစေနိုင်ခြင်းကြောင့် တိကျပြီး အတည်ပြု ထားသည့် အချက်အလက်များကိုသာ မျှဝေရန် အရေးကြီးကြောင်း SVC RESP မှ အလေးပေး ပြော ကြားခဲ့သည်။
ပန်ဂျပ်ပြည်နယ်တွင် ရေပမာဏ ကျဆင်းနေပြီဖြစ်ပြီး Sindh ပြည်နယ်တွင်လည်း ရေကြီး ရေလျှံမှုများကို ဘေးကင်းစွာ စီမံခန့်ခွဲနိုင်မည်ဟု မျှော်လင့်ရကြောင်းနှင့် ကယ်ဆယ်ရေးလုပ်ငန်း များတွင် REAP အဖွဲ့ဝင်များသည် ရေဘေးသင့်မိသားစုများ၊ လယ်သမားများနှင့်အတူ တစ်သားတည်း ရှိနေပြီး လိုအပ်သည့်နေရာများတွင် ပံ့ပိုးကူညီမှုများ ဆက်လက်ဆောင်ရွက်သွားမည်ဖြစ်ကြောင်း Jelani က ပြောကြားခဲ့သည်။
Source: Business Recorder, 8 September 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)