ပြည်ဈေးကွက်၌ စက်တင်ဘာလဆန်းပိုင်းတွင် မြေပဲဆန်ဈေးများ ဆက်လက်တည်ငြိမ် နေသည်ဟု သိရှိရပါသည်။ ဈေးကွက်သို့ မိုးမြေပဲများနေစဉ်ဝင်ရောက်မှုရှိသဖြင့် အရောင်းအဝယ် သွက်နေသော်လည်း ဈေးငြိမ်နေကြောင်း သိရှိရပါသည်။ ရွှေတောင်၊ ပေါက်ခေါင်း၊ ပြည်-အောင်လံကြား ကျေးရွာများနှင့် ပန်းတောင်း၊ ဥသျှစ်ပင်ဘက်မှ တစ်နေ့လျှင် အိတ်၃၀၀/၄၀၀ခန့် ဝင်ရောက်မှုရှိပြီး ဝင်သလောက် အရောင်းအဝယ်ဖြစ်လျှက်ရှိပါသည်။ မြေပဲဆန်ဈေးများမှာ ယခု စက်တင်ဘာလဆန်းပိုင်းတွင် မြေပဲ ဆန်(ဆီဆန်) တစ်ပိဿာလျှင် ၅၈၀၀ကျပ်ဖြင့် (အဖြူ၊ အနီ) ဈေးငြိမ်နေပြီး၊ မြေပဲဆန်(လုံးဆန်) တစ်ပိဿာလျှင် (အဖြူ၊ အနီ) ၆၂၀၀ကျပ်ဖြင့် ယခင် ဩဂုတ်လ နောက်ဆုံးပတ်အတိုင်း ဈေးငြိမ်နေသည်ကို တွေ့ရှိရပါသည်။ မြေပဲဆန် ရွေးဆန်(ရှယ်)ဈေးမှာ တစ်ပိဿာလျှင် ၆၀၀၀ကျပ်ဖြင့် ပြည်ဈေးကွက်တွင်အရောင်းအဝယ်ဖြစ်လျှက်ရှိပါသည်။
DOCA(ပဲခူး)