ရင်းမြစ်များအရ ၂၀၂၄-၂၅ ဘဏ္ဍာနှစ်တွင် နှစ်နိုင်ငံကြား ကုန်သွယ်မှုပမာဏသည် ၁၆ ရာခိုင်နှုန်း မြင့်တက်ခဲ့ပြီး ကန်ဒေါ်လာ ၇.၅၉၈ ဘီလီယံအထိ ရှိခဲ့ကြောင်း သိရသည်။ အမေရိကန် သို့ ပါကစ္စတန်၏ ပို့ကုန်သည် အမေရိကန်ဒေါ်လာ ၅.၈၃၆ ဘီလီယံရှိပြီး ယခင်နှစ်နှင့် နှိုင်းယှဉ်ပါ က ၁၀ ရာခိုင်နှုန်း မြင့်တက်လာကြောင်း အချက်အလက်များအရ သိရသည်။ အခြားတစ်ဖက် တွင်မူ အမေရိကန်မှ သွင်းကုန်ပမာဏသည် ဒေါ်လာ ၁.၇၆၃ ဘီလီယံရှိပြီး ၄၀ ရာခိုင်နှုန်း သိသိသာသာတိုးလာခြင်းဖြစ်သည်။ ပို့ကုန်ကဏ္ဍတွင် အထည်အလိပ်ထုတ်ကုန်များ လွှမ်းမိုးလျက်ရှိသည်။ အိပ်ယာခင်းများ၊ စားပွဲခင်းများနှင့် မီးဖိုချောင်ခင်းပိတ်ချောများ တင်ပို့မှုမှာ ဒေါ်လာ ၁.၀၃၈ ဘီလီယံရှိပြီး အမျိုးသားဝတ်စုံ၊ အကျီနှင့် ဘောင်းဘီ တင်ပို့မှုမှာ ကန်ဒေါ်လာ ၉၃၆ သန်း ဖြစ်သည်။အခြားအဆင်သင့်အ၀တ်အထည်များ ဒေါ်လာ ၃၈၆ သန်း၊ တီရှပ်ဒေါ်လာ ၃၆၁ သန်း၊ ဂျာစီနှင့် ကာဒီဂါများဒေါ်လာ ၃၁၂ သန်း၊ အိတ်ဆောင် (ခြေအိတ်) ကန်ဒေါ်လာ ၂၇၈ သန်း ရရှိခဲ့သည်။ ချည်ထိုးအမျိုးသားအင်္ကျီများ တင်ပို့မှုတန်ဖိုးမှာ ကန်ဒေါ်လာ ၂၄၄ သန်း၊ သားရေပစ္စည်း ကန်ဒေါ်လာ ၁၆၅ သန်း၊ အမျိုးသမီးဝတ်စုံများ ကန်ဒေါ်လာ ၁၅၇ သန်းဖြစ်သည်။ သွင်းကုန်ဘက်တွင်မူ ၀ါဂွမ်းတင်သွင်းမှုတွင် အမြင့်ဆုံးတိုးတက်မှုအဖြစ် မှတ်တမ်းဝင်ခဲ့ပြီး ကန် ဒေါ်လာ ၃၉၃ သန်းအထိ မြင့်တက်ခဲ့သည်။ သံနှင့် သံမဏိ အပိုင်းအစ တင်သွင်းမှုမှာ ကန်ဒေါ်လာ ၁၅၉ သန်း၊ ပဲပိစပ် ဒေါ်လာ ၁၃၇ သန်းနှင့် ကျောက်မီးသွေး ဒေါ်လာ ၅၆ သန်းတို့ ဖြစ်သည်။ အခြား အဓိကသွင်းကုန်များမှာ ဓာတုသစ်သားပျော့ဖတ်နှင့် ဓာတ်ငွေ့တာဘိုင် (ဒေါ်လာ သန်း ၅၀ စီ)၊ အလိုအလျောက်ဒေတာထုတ်ယူသည့်စက် (ဒေါ်လာ ၄၀ သန်း)၊ ရေနံဆီ (ဒေါ်လာ ၃၈ သန်း)၊ ဆေးဘက်ဆိုင်ရာကိရိယာ (ဒေါ်လာ ၃၆ သန်း)၊ သစ်သီးခြောက် (ဒေါ်လာ ၃၃ သန်း) တို့ပါဝင်ကြောင်း သိရှိရပါသည်။
Source : Tribune
DOCA(ရန်ကုန်)