တောင်ကိုရီးယားနိုင်ငံ၏ နိုင်ငံခြားငွေအပ်နှံမှုများသည် အမေရိကန်ဒေါ်လာနှင့် တရုတ်ငွေကြေးတို့ကို အသုံးပြုချင်သူ နည်းပါးလာသည့်အတွက် ဝယ်လိုအားနည်းသွားသောကြောင့် သုံးလအတွင်း ကျဆင်းသွားကြောင်း သြဂုတ်လ ၂၇ ရက်နေ့ ထုတ်ပြန်သည့် ဗဟိုဘဏ် အချက်အလက်များအရ သိရှိရပါသည်။
နိုင်ငံခြားငွေကြေးအပ်ငွေများသည် ကုန်ခဲ့သောလက အမေရိကန်ဒေါ်လာ ၁.၂၉ ဘီလီံယံ ကျုံ့သွားခဲ့ပြီး ဇူလိုင်လကုန်တွင် အမေရိကန်ဒေါ်လာ ၁၀၅.၁၅ ဘီလီယံထိ ရောက်ရှိခဲ့ပါကြောင်း ကိုရီးယားဗဟိုဘဏ် (BOK) ကပြောကြားခဲ့ပါသည်။
အမေရိကန်နှင့် တရုတ်ငွေကြေးအပ်နှံမှုများသည် စီးပွားရေးကျဆင်းမှုများကြောင့် ဝယ်လိုအားကျဆင်းသွားခြင်း ဖြစ်ပါသည်။အမေရိကန်ဒေါ်လာနှင့် သတ်မှတ်ထားသော အပ်ငွေသည် ယခင် လထက် ဒေါ်လာ ၀.၄၂ ဘီလီယံလျော့ကျခဲ့ပြီး ဇူလိုင်လကုန်တွင် ဒေါ်လာ ၈၈.၇၂ ဘီလီယံသို့ ရောက်ရှိခဲ့ပါသည်။ တရုတ်ယွမ်အပ်ငွေသည် ဒေါ်လာ ၀.၈၉ ဘီလီယံ လျော့ကျခဲ့ပြီး ဒေါ်လာ ၁.၁၉ ဘီလီယံသို့ ရောက်ရှိခဲ့ပါသည်။
ဂျပန်ယန်းအပ်ငွေသည် ဒေါ်လာ ၀.၀၅ ဘီလီယံထပ်တိုးခဲ့ပြီး ဒေါ်လာ၈.၇၄ ဘီလီယံသို့ ရောက်ရှိခဲ့သော်လည်း ယူရိုအပ်ငွေသည် ဒေါ်လာ ၀.၁၄ ဘီလီယံ လျော့ကျခဲ့ပြီး ဒေါ်လာ ၅.၀၇ ဘီလီယံသို့ ရောက်ရှိခဲ့ပါသည်။
ကုမ္ပဏီများ၏ နိုင်ငံခြားငွေကြေးအပ်ငွေသည် ဒေါ်လာ ၁.၁၅ လျော့ကျခဲ့ပြီး ဒေါ်လာ၉၀.၄၂ ဘီလီယံသို့ ရောက်ရှိခဲ့ကာ တစ်ဦးချင်အပ်ငွေသည် ဒေါ်လာ ၀.၀၄ ဘီလီယံ ကျဆင်းခဲ့ပြီး ဒေါ်လာ ၁၄.၇၃ ဘီလီယံသို့ ရောက်ရှိခဲ့ပါသည်။
Source : Xinhua
DOCA(ရန်ကုန်)