ပဲခူးတိုင်းဒေသကြီး ညောင်လေးပင်ခရိုင်၊ ကျောက်တံခါးမြို့နယ်တွင် စက်တင်ဘာလ ၈ ရက် မွန်းလွှဲ (၁) နာရီအချိန်ခန့်က ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် စားသုံးသူရေးရာဦးစီးဌာနနှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့ ပူးပေါင်း၍ စားသုံးသူ ပြည်သူများအား ဆီ ၁ ပိဿာလျှင် ၅၄၀၀ ကျပ်နှုန်းဖြင့် လိုက်လံရောင်းချပေးလျှက်ရှိကြောင်း သိရှိရပါသည်။
ထိုသို့ ရောင်းချပေးရာတွင် ကျောက်တံခါးမြို့နယ် ပဲနွယ်ကုန်းမြို့ပေါ်ရပ်ကွက်များအား လူတစ်ဦးလျှင် (၅၀) ကျပ်သား တစ်ပိဿာ (၅၄၀၀)ကျပ်ဖြင့် စားအုန်းဆီ ပိဿာချိန် (၃၃၀၀) လူဦးရေ ၆၆၀၀ ဦးအား လည်းကောင်း ၊ (၉.၉.၂၀၂၂) (၁၀.၉.၂၀၂၂) ရက်နေ့များတွင် ကျောက်တံခါးမြို့နယ် ပဲနွယ်ကုန်း မြို့ပေါ် (၈) ရပ်ကွက်အား လူတစ်ဦးလျှင် ဆီ (၅၀)ကျပ်သားနှုန်းဖြင့် ဆီတစ်ပိဿာကို (၅၆၀၀) ကျပ်ဖြင့် စားအုန်းဆီ ပိဿာချိန် (၈၈၀၀) ကို လူဦးရေ (၁၇၆၀၀)အား ရပ်ကွက်များအတွင်း လှည့်လည်ရောင်းချပေးလျှက်ရှိပြီး ကျန်ရှိနေသော ရပ်ကွက်များသို့လည်း ဆက်လက် ရောင်းချပေးသွားမည်ဖြစ်ကြောင်း သိရှိရပါသည်။ ညောင်လေးပင်မြို့နယ်အတွင်းရှိ ပြည်သူ များ စားဝတ်နေရေးအဆင်ပြေစေရန်အတွက် စားအုန်းဆီများ လိုက်လံရောင်းချပေးခြင်းကို မြို့နယ် စားသုံးသူရေးရာ ဦးစီးဌာန မြို့နယ်ဦးစီးမှူးနှင့် ဝန်ထမ်းများ ၊ ဌာနဆိုင်ရာများနှင့် စေတနာ့ ဝန်ထမ်း များက ပူးပေါင်း ဆောင်ရွက်ပေးခဲ့ကြောင်း သိရှိရပါသည်။
DOCA(ပဲခူး)