အခြေခံစားကုန်ပစ္စည်းများဖြစ်သည့် ဆန်၊ စားသုံးဆီနှင့် မီးဖိုချောင်သုံးကုန် ပစ္စည်းဈေး နှုန်း များ တည်ငြိမ်မှု ရှိမရှိကို ခရိုင်ဦးစီးမှူးရုံးသို့ အပါတ်စဉ် သုံးသပ်တင်ပြနိုင်ရန်အတွက် ဓနုဖြူမြို့နယ်အတွင်း အခြေခံ စားသောက်ကုန်စုံဆိုင်ကြီးများအား ကွင်းဆင်းစုံစမ်း မေးမြန်းခြင်းလုပ်ငန်းကို ၃-၉-၂၀၂၅ ရက်နေ့ နံနက် ၈နာရီအချိန်က ဓနုဖြူ မြို့မဈေး နှင့် ဇကာကြီးဈေးအတွင်း မြို့နယ်စည်ပင်သာယာရေးအဖွဲ့နှင့်အတူ ကွင်းဆင်းဆောင်ရွက် ခဲ့ကြသည်။
ကွင်းဆင်းဆောင်ရွက်ရာတွင် ဓနုဖြူမြို့နယ်ဦးစီးမှုးရုံးမှ ခိုင်လွမ်းမိုး အကြီးတန်းစာရေးက ဈေးအတွင်း ရောင်းချနေသော လုပ်ငန်းရှင်များကို ဆွေးနွေးရာ ကုန်ဈေးနှုန်းတည်ငြိမ်ရေးဆောင်ရွက်ရာ၌ စာရင်းအင်း အချက်အလက်များ မှန်ကန်ရေးသည် အရေးကြီးသည့် လုပ်ငန်းတစ်ခုဖြစ်သည့်အတွက် မြေပြင်အခြေ အနေ အမှန်ကို ကွင်းဆင်းခြင်း ဖြစ်ကြောင်း၊ ဆန်၊ ကြက်သွန်ဈေး၊ အခြားသော စားသောက် ကုန်ခြောက် အမျိုးမျိုး၏ ဈေးနှုန်းများ၊ သား၊ ငါး၊ သစ်သီးဝလံနှင့် ဟင်းသီး ဟင်းရွက်ဈေးနှုန်းများ စာရင်းကောက်ယူမေးမြန်းခဲ့ကြောင်း သိရပါသည်။
DOCA(ဧရာဝတီ)