၂၀၂၅ ခုနှစ်၊ စက်တင်ဘာလ ၆ ရက်နေ့၊ နံနက် (၁၀း၀၀) နာရီအချိန်တွင်တိုင်းဒေသကြီး စိုက်ပျိုးရေးအစည်းအဝေးခန်းမပြုလုပ်သော မြန်မာနိုင်ငံဒူးရင်း စိုက်ပျိုးထုတ်လုပ်တင်ပို့ရောင်းချသူများအစုအဖွဲ့(တနင်္သာရီတိုင်းဒေသကြီး)အား မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက် စိုက်ပျိုးထုတ်လုပ်သူများအသင်း ဥက္ကဋ္ဌမှကြီးမှူး၍ EC/CECများ ရွေးချယ်ပွဲအခမ်းအနားသို့ တိုင်းဒေသကြီးဦးစီးမှူး ဦးစိုးဦးမှ တက်ရောက်ခဲ့ပါသည်။
အဆိုပါအခမ်းအနားတွင် မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက် စိုက်ပျိုး ထုတ်လုပ်သူများအသင်း ဥက္ကဋ္ဌမှ အဖွင့်အမှာစကားပြောကြားခြင်း၊ တိုင်းဒေသကြီးစိုက်ပျိုးရေးဦးစီး ဌာန၊ တိုင်းဒေသကြီးဦးစီးမှူးမှ ဒူးရင်း စိုက်ဧက၊ အထွက်နှုန်းများနှင့် ပတ်သတ်၍ ရှင်းလင်းဆွေးနွေးခြင်း၊ တိုင်းဒေသကြီးစားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ အသင်းအဖွဲ့များ၊ အစုအဖွဲ့ များ ဖွဲ့စည်းခြင်းဖြင့် ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် များစွာအထောက်အကူပြုစေပြီး ရရှိလာနိုင်မည့်အကျိုးကျေးဇူးများနှင့်စပ်လျဥ်း၍ ရှင်းလင်းဆွေးနွေးခြင်း၊ မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက် စိုက်ပျိုးထုတ်လုပ်သူများအသင်း အတွင်းရေးမှူးမှ အသင်းအဖွဲ့၊ အစုအဖွဲ့စည်းမျဥ်း၊ စည်းကမ်းများနှင့် ရွေးချယ်ဖွဲ့စည်းပုံများအကြောင်း ရှင်းလင်းဆွေးနွေးခြင်းများ ဆောင်ရွက်ခဲ့ပါသည်။
အခမ်းအနားဒုတိယပိုင်းအနေဖြင့် တက်ရောက်လာကြသော ဒူးရင်းလုပ်ငန်းရှင်များမှ EC/CEC များ ရွေးချယ်တင်မြှောက်ခြင်းများ ဆောင်ရွက်ခဲ့ကာ မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်သူများအသင်း ဥက္ကဋ္ဌမှ နိဂုံးချုပ်အမှာစကားပြောကြားခဲ့ပြီး အခမ်းအနားအား နေ့လယ်(၁၃း၀၀)နာရီအချိန်တွင် ပြီးမြောက်ခဲ့ကြောင်း သိရှိရပါသည်။
(တနင်္သာရီ)