၄.၉.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် မြို့နယ်အထွေထွေအုပ်ချုပ်ရေးဦးစီးဌာန၊ ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ နှင့်ပူးပေါင်း၍ မော်လမြိုင်မြို့နယ်အတွင်းရှိ မောင်ငံဈေး၊ သံလွင်ဈေး၊ ထားဝယ်စုဈေးနှင့် သာယာအေးဈေးတို့တွင် ရောင်းချနေသော ပဲသွေးများတွင် Formalin ပါဝင်ပြီး စားသုံးရန်မသင့်သောကြောင့် ဖြန့်ဖြူးရောင်းချမှုများ ရှိ/မရှိ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် မော်လမြိုင်မြို့နယ်အတွင်းရှိ ဈေးများတွင် ရောင်းချနေ သောဆိုင်များ၌ ပဲသွေးများကို ၎င်းဆိုင်များအား နောက်နောင်မရောင်းချပါကြောင်း ခံဝန် လက်မှတ်ထိုးခိုင်းပြီး ပဲသွေးများအား သိမ်းဆည်းဖျက်ဆီးခဲ့ကြောင်း သိရှိရပါသည်။
DOCA (မွန်)