ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြိုနယ်ရှိ ငှက်ထုံးကျေးရွာတွင် တစ်ပိုင်တနိုင်ထုတ်လုပ်နေသော မုန့်လုပ်ငန်းဖြစ်သည့် စိုးသီဟကျော်ငှက်ပျောကြော်နှင့် စာလေးခွေလုပ်ငန်းအား စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်က ဈေးကွက်မရောက်မှီ ကုန်စည်ထုတ်ကုန်လုံခြုံမှုရှိရေးနှင့် ဆီသုံးစွဲမှု အခြေအနေအား ၉-၉-၂၀၂၅ ရက်နေ့ နံနက် ၉နာရီအချိန်တွင် ကွင်းဆင်းဆောင်ရွက်ပါသည်။
ကွင်းဆင်စစ်ဆေးရာတွင် ဒေသတွင်းထုတ်လုပ်သောကုန်စည်များ ဘေးအန္တရာယ် ကင်းရှင်းရေးကို လုပ်ငန်းခွင် ထုတ်လုပ်မှုအား ကြည်ရှုစစ်ဆေးပြီး၊ မုန့်ထုတ်လုပ်ရန် ရရှိသော ကုန်ကြမ်းအခြေအနေများကို မေးမြန်းခြင်း၊ ဈေးနှုန်းများကို မေးမြန်းခြင်း၊ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ စစ်ဆေးခြင်း၊ မုန့်လုပ်ငန်းများအသုံးပြုသော စားအုန်းဆီနှင့် ပတ်သက်၍ လုပ်ငန်းသုံးဆီထုတ်ယူမှုအခြေအနေများကို စစ်ဆေးခြင်း၊ မုန့်ထုတ်လုပ်ရာတွင် ပြန်ကျော်ဆီများကို အကြိမ်ကြိမ်အသုံးမပြုရန်ကို မှာကြား စစ်ဆေးခြင်း၊ ထွက်ရှိသော မုန့်များကို ဈေးကွက်ဖြန့်ချီမှု အခြေအနေများကို မေးမြန်းခဲ့ပြီး ကုန်စည် ထုတ်ကုန်လုံခြုံစိတ်ချရမှုရှိစေရေး ဆွေးနွေးခဲ့ကြောင်း သိရပါသည်။
DOCA(ဧရာဝတီ)