ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ပန်းတနော် မြို့နယ်ရုံးမှ ဦးအောင်ကျော်နှင့် ဝန်ထမ်းများသည် မိတ်ဖက်ဌာနများဖြစ်သော စိုက်ပျိုးရေးဦးစီးဌာန၊ စည်ပင်သာယာ ရေးအဖွဲ့တို့နှင့်အတူ (၆.၉.၂၀၂၂၀) ရက်နေ့ နံနက် (၁၀၃၀)နာရီအချိန်တွင် ပန်းတနော်မြို့ပေါ်ရှိ ဓါတ်မြေဩဇာအရောင်းဆိုင်(၁၀)ဆိုင်သို့ ကွင်းဆင်း၍ အမှတ်တံဆိပ်ပါ ဓါတ် မြေဩဇာ များတွင် ကုန်အညွှန်းအမှတ် အသားများကို မြန်မာဘာသာဖြင့် ဖော်ပြထားခြင်း ရှိ/ မရှိ၊ စိုက်ပျိုးရေးသုံး ပစ္စည်း အတုအပများ ရောင်းချခြင်း ရှိ/မရှိကို ပူးပေါင်းအဖွဲ့ဖြင့် ကွင်းဆင်း စစ်ဆေးခဲ့ကြပါသည်။
ပူးပေါင်းအဖွဲ့ဖြင့် ကွင်းဆင်းစစ်ဆေးရာတွင် စားသုံးသူရေးရာဦးစီးဌာနက ဆိုင်ရှင်များအား မိမိတို့ရောင်းချနေသော ဓါတ်မြေဩဇာများတွင် စားသုံးသူကာ ကွယ်ရေး ဥပဒေအရ ကုန်အညွှန်းအမှတ် အသားပြည့်စုံစွာ ဖော်ပြထားသော ကုန်ပစ္စည်းများသာ ဈေးကွက်အတွင်း ရောင်းချရန်နှင့် ကုန်အညွှန်းအမှတ်အသားမပြည်စုံပါက ဈေးကွက်အတွင်း ရောင်းချမှုမရှိစေရေးနှင့် မည်သည့် စီးပွားရေးလုပ်ငန်းရှင်မဆို စားသုံးသူ ကာကွယ်ရေးဥပဒေပါ တားမြစ်ချက်တစ်ရပ်ရပ်ကို ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ပုဒ်မ ၇၃ အရ အရေးယူခြင်းကို ခံယူမည်ဖြစ်ကြောင်း ဆွေးနွေးပြော ကြားခဲ့ပါသည်။
ပူးပေါင်းမိတ်ဖက်အဖွဲ့ကလည်း လုပ်ငန်းရှင်များကို သက်ဆိုင်ရာဌာနတို့၏ ထောက်ခံ ချက်ပါဝင်သော၊ ခွင့်ပြုချက်ပါဝင်သော၊ ကုန်စည်များကိုသာရောင်းကြရန်နှင့် ဈေးကွက်အတွင်း ဌာနတို့၏ တားမြစ်ကုန်စည်များကို ရောင်းချနေခြင်းမျိုးတွေ့ရှိပါက သက်ဆိုင်ရာ ဌာနတို့၏ ဥပဒေတို့ဖြင့် အရေးယူ ဆောင်ရွက်နိုင်ကြောင်းကို ဆိုင်ရှင်များမှလည်း သိရှိလိုက်နာဆောင်ရွက်မည်ဖြစ်ကြောင်း လက်မှတ်ရေး ထိုး မှတ်တမ်းရယူခဲ့ကြကြောင်း သတင်းရရှိပါသည်။
DOCA(ဧရာဝတီ)