ကယားပြည်နယ်တွင် ဒေသထွက်သီးနှံတစ်မျိုးဖြစ်သည့် နဂါးမောက်သီးကို လွိုင်ကော်မြို့ ၊ မှုံပြာကျေးရွာ၊ ဘုရားဖြူကျေးရွာ၊ လောပိတကျေးရွာတို့တွင်မိသားစုအပိုဝင်ငွေရရှိစေရေး အတွက် တစ်နိုင်တစ်ပိုင်စိုက်ပျိုးကြပြီး ရှမ်းပြည်နယ်ကလောစသည်ဒေသများတွင်လည်း တင်ပို့ရောင်းချကြ ပါသည်။ ယခုစက်တင်ဘာလအတွင်း ဖြစ်ပေါ်နေသော နဂါးမောက်သီးဈေးနှုန်းမှာ နဂါးမောက်သီး အလုံးသေးတစ်လုံးလျှင်(၆၀၀)ကျပ်ခန့်ရှိပြီး နဂါးမောက်သီးအလုံးကြီးတစ်လုံးလျှင်(၁၀၀၀)ခန့် ဈေးနှုန်းမြှင့်တက်နေကြောင့် ယခင်ဩဂုတ်လအတွင်း ဈေးနှုန်းမှာနဂါးမောက်သီးအလုံးသေးတစ်လုံးလျှင်(၅၀၀)ကျပ် နဂါးမောက်သီးအလုံးကြီး တစ်လုံးလျှင်(၇၀၀)ကျပ်ခန့်သာရှိခဲ့ပြီး ယခင်ဩဂုတ်လနှင့် ယခုစက်တင်ဘာလနှိုင်းယှဉ်လျှင် နဂါးမောက်သီးအလုံးသေးတစ်လုံးလျှင်(၁၀၀)ကျပ်ခန့် နဂါးမောက်သီးအလုံးကြီးတစ်လုံးလျှင်(၃၀၀)ကျပ်ခန့်မြှင့်တက်လာရခြင်းမှာ သယ်ယူစရိတ်မြှင့် တက်လာခြင်းကြောင့်ဖြစ်သည်ဟု နဂါးမောက်သီးရောင်းချသူတစ်ဦးက ဆိုပါသည်။
DOCA(ကယား)