ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် နိုင်ငံ့စီးပွားမြှင့်တင်ရေး ရန်ပုံငွေဖြင့် အကျုံးမဝင်သော မိုးစပါးစိုက်တောင်သူများသို့ သီးနှံပေါ်ပေးစနစ်ဖြင့် ယူရီးယားကွန်ပေါင်း ဓာတ်မြေဩဇာ သွင်းအားစုများကို စက်တင်ဘာလ(၅)ရက်နေ့၊ နေ့လယ်(၁၂:၀၀)နာရီအချိန်တွင် စာချုပ်ချုပ်ဆို ဖြန့်ဖြူးပေးခဲ့ကြောင်း သိရှိရသည်။
ထိုသို့ ဖြန့်ဖြူးပေးခဲ့ရာတွင် ကော့မှူးမြို့နယ်အနေဖြင့် ဓာတ်မြေဩဇာ လက်ခံဖြန့်ဖြူးရေး ကြီးကြပ်မှုအဖွဲ့များအား သက်ဆိုင်သောဌာနဆိုင်ရာ တာဝန်ရှိသူများနှင့် ဖွဲ့စည်းတာဝန်ပေး ဆောင်ရွက်လျက်ရှိရာ ဓာတ်မြေဩဇာ လက်ခံဖြန့်ဖြူးရေး ကြီးကြပ်မှုအဖွဲ့(၂)မှ အဖွဲ့ခေါင်းဆောင် မြို့နယ်မြေစာရင်းဦးစီးဌာနနှင့် စားသုံးသူရေးရာဦးစီးဌာန အဖွဲ့ဝင်အဖြစ် ဖွဲ့စည်းတာဝန်ပေးအပ်ထားသော ဌာနများမှ မြို့နယ်အဆင့်တာဝန်ရှိသူများသည် ဇရပ်ကုန်းကျေးရွာအုပ်စုအတွင်းရှိ မိုးစပါးသီးနှံစိုက်ပျိုးသော တောင်သူများအား စိုက်ပျိုးထားသည့်သီးနှံများ သတ်မှတ်ပန်းတိုင် အထွက်နှုန်းရရှိစေရေး Seeder တိုက်ရိုက်မျိုးစေ့ချ ကိရိယာဖြင့် တိုးချဲ့စိုက်ပျိုးထုတ်လုပ်နိုင်ရေးတို့အတွက် ယူရီးယား(၈၄)အိတ်၊ ကွန်ပေါင်း (၇၁)အိတ် စုစုပေါင်း (၁၅၅)အိတ်အား ကျေးရွာအုပ် စုအတွင်းရှိ မိုးစပါးစိုက် တောင်သူများ၏ စိုက်ပျိုးထားသော စိုက်ဧကများအလိုက် သွင်းအားစု ဓာတ်မြေဩဇာအိတ်များအား သီးနှံပေါ်ပေးစနစ် စာချုပ်ချုပ်ဆို ဖြန့်ဖြူးပေးခဲ့ကြောင်း သိရှိရပါသည်။
DOCA(ရန်ကုန်)