BMW ကုမ္ပဏီက သူတို့အနေနဲ့ လျှပ်စစ်ကားထုတ်လုပ်မှုမှာ ကြီးမားတဲ့ပြောင်းလဲမှုတွေ လုပ်ဖို့စီစဉ်ထားပါတယ်။ သူတို့စီစဉ်ထားမှုအရ စတင်အကောင်အထည် ဖော်လိုက်တာက 2026 iX3 ဆိုတဲ့ လျှပ်စစ်ကားနဲ့ပါ။ 2026 iX3 က လန်းဆန်းတက်ကြွတဲ့ဒီဇိုင်း၊ ဆန်းသစ်လှ အတွင်းပိုင်းတို့နဲ့အတူ ထွက်ပေါ်လာတာဖြစ်ပြီး ဇိမ်ခံလျှပ်စစ်ကားဈေးကွက်ကို အရယူနိုင်ဖို့ကြိုးပမ်းလာပုံပါပဲ။
အခုထုတ်ဖော်ပြသလိုက်တဲ့ လျှပ်စစ်ကားက မော်တာနှစ်လုံးနဲ့ လေးဘီးယက်စနစ်သုံး ကားဖြစ်ပြီး မြင်းကောင်ရေ ၄၆၃ ကောင်အားကိုထုတ်လုပ်ကာ သုညကီလိုမီတာမှ ၁၀၀ ကီလိုမီတာအထိကို ၄ ဒသမ၇ စက္ကန့်အတွင်း အရှိန်တင်နိုင်မှာဖြစ်တယ်လို့ဆိုပါတယ်။ အမြင့်ဆုံးသွားနိုင်တဲ့အမြန်နှုန်းက တစ်နာရီကို ၂၀၉ ကီလိုမီတာအထိရှိမှာပါ။ အတွင်းပိုင်းမှာဆိုရင် ဒက်ရှဘုတ်ကို Panoramic iDrive မြင်ကွင်းအသုံးပြုထားတဲ့ အတွက် သူ့ရဲ့အလျားက ယာဉ်မောင်း သူဘက်ကနေ ခရီးသည်ဘက်အထိရှည်လျားပြီး ပင်မထိန်းချုပ်ဖန်သားပြင်လည်း ပါဝင်ပါတယ်။
DOCA(ပြည်ထောင်စုနယ်မြေ)