သရက်မြို့နယ် ပတ်ဝန်းကျင်ကျေးရွာများမှ ထွက်ရှိသည့် ပဲတီစိမ်းနှင့် နှမ်းများ ဈေးကွက်အတွင်းသို့ ဝင်ရောက်လျက်ရှိရာ စက်တင်ဘာလ ပထမပတ်တွင် ပဲတီစိမ်း(၁)တင်းလျှင် (၅၀၀၀ဝိ/-)နှုန်းဖြင့် အရောင်းအဝယ်ဖြစ်ခဲ့ပြီး ယခုစက်တင်ဘာလ ဒုတိယပတ်တွင်လည်း ဈေးနှုန်းအတက်အကျမရှိဘဲ အရောင်းအဝယ်အေးလျက်ရှိကြောင်း၊ နှမ်းသီးနှံများမှာလည်း စက်တင်ဘာလ ပထမပတ်တွင် နှမ်းနက်(၁)တင်းလျှင် (၈၈၀၀ဝိ/-)မှ(၉၀၀၀ဝိ/-)၊ နှမ်းနီ(၁)တင်းလျှင် (၇၈၀၀ဝိ/-) မှ (၈၀၀၀ဝိ/-)နှုန်းဖြစ်ပြီး ယခုစက်တင်ဘာလ ဒုတိယပတ်တွင် နှမ်းနက်(၁)တင်းလျှင် (၉၀၀၀ဝိ/-)၊ နှမ်းနီ(၁)တင်းလျှင်(၈၅၀၀ဝိ/-) ထိ ဈေးမြင့်တက်လာကြောင်း သိရှိရပါသည်။
သရက်မြို့နယ် ပွဲစားများမှ ဝယ်ယူရရှိသည့် သီးနှံများကို အောင်လံကုန်သည်များသို့ တင်ပို့လျက်ရှိပြီး နေ့စဉ်တစ်နေ့လျှင် နှမ်းအိတ်ရေ (၄၀-၅၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(မကွေး)