ပခုက္ကူခရိုင်၊ ကြက်သွန်နီစိုက်ပျိုးရာဒေသများဖြစ်ကြသော ပခုက္ကူ၊ ပေါက်၊ ရေစကြို၊ ကမ္မ၊ ယောနယ်ဒေသနှင့် ဆိပ်ဖြူဒေသတို့မှ ဆောင်းစိုက်(ပင်စိုက်)များ အရောင်းအဝယ် ဖြစ်နေပြီး ပခုက္ကူကြက်သွန်နီအဝယ်ဒိုင်သို့ အခြားနယ်များဖြစ်ကြသော မြင်းခြံ၊ တောင်သာ၊ ညောင်ဦးနယ် များမှလည်း ဝင်ရောက်အရောင်းအဝယ်ဖြစ်နေပါသည်။ စက်တင်ဘာလ ဒုတိယပတ်၏ ကြက်သွန်နီ လက်ကားဒိုင်ပြတ်ဈေးမှာ ထိပ်စတစ်ပိဿာလျှင် (၃၂၅၀)ကျပ်၊ အလတ်စတစ်ပိဿာလျှင်(၂၈၀၀) ကျပ်၊အနိမ့်စ တစ်ပိဿာလျှင် (၂၂၀၀)ကျပ်ဖြင့် နေ့စဉ်ကုန်ချိန် (၁၅၀၀၀)ကျော် အရောင်းအဝယ် ဖြစ်လျက်ရှိပါသည်။
ပခုက္ကူမြို့မစည်ပင်ဈေးနှင့် ပန်းခြံဈေးတို့၏ ကြက်သွန်နီ လက်လီရောင်းချသည့် ဈေးနှုန်းမှာ အရည်အသွေးကိုလိုက်၍ ထိပ်စတစ်ပိဿာလျှင်(၃၆၀၀/၃၅၀၀)ကျပ်၊ အလတ်စ တစ်ပိဿာလျှင် (၃၀၀၀/ ၂၈၀၀)ကျပ်၊ အနိမ့်စ တစ်ပိဿာလျှင် (၂၆၀၀/၂၄၀၀)ကျပ်ဖြစ်ကြောင်း မြို့မဈေးသည်များထံမှ သိရှိရပြီး တင်ပို့မှုအနေဖြင့် မြဝတီနှင့် ရန်ကုန်တိုင်းဒေသကြီးသို့ တင်ပို့နေကြောင်း ကုန်သည်များထံမှ သိရှိရပါသည်။
DOCA(မကွေး)