၂၀၂၅ ခုနှစ်၊ စက်တင်ဘာလ ၈ ရက် ၉:၀၀ နာရီ အချိန်တွင် ကော့သောင်းခရိုင် စားသုံးသူရေးရာဦးစီးဌာနမှဝန်ထမ်းများသည် အထူးစုံစမ်းစစ်ဆေးရေးဦးစီးဌာန၊ အထွေထွေအုပ်ချူပ်ရေးဦးစီးဌာန၊ စည်ပင်သာယာရေးအဖွဲ့တို့နှင့် အတူပူးပေါင်း၍ ကော့သောင်းမြို့ပေါ်ရှိ ဘိလပ်မြေ အရောင်းဆိုင်များအား စစ်ဆေးဆောင်ရွက်ခဲ့ပါသည်။
အဆိုပါ ပူးပေါင်းအဖွဲ့ဖြင့် မြေပြင်ကွင်းဆင်းရာတွင် ကော့သောင်းမြို့ဘိလပ်မြေစျေးနှုန်း စျေးကွက် အခြေအနေများ သင့်တင့်မျှတသော စျေးနှုန်းတည်ငြိမ်မှန်ကန်စေရေးအတွက် ယခင်လ စျေးနှုန်းနှင့် ယခုလစျေးနှုန်းအခြေအနေ စျေးနှုန်းမြှင့်တင်ရောင်းချခြင်းရှိ/မရှိ၊ ဘိလပ်မြေများပြတ် မှုရှိ/မရှိ၊ စျေးနှုန်းမြှင့်တင်ရောင်းချရန် ရည်ရွယ်ချက်ဖြင့် သိုလှောင်ထားခြင်း ရှိ/မရှိတို့အား မြေပြင်စစ်ဆေးခြင်းများဆောင်ရွက်ခဲ့ပြီး ဘိလပ်မြေ စျေးနှုန်းများ ယခင်လနှင့်နှိုင်းယှဉ်ပါက စျေးနှုန်းတည်ငြိမ်လျက်ရှိကြောင်း သိရှိရပါသည်။
DOCA(တနင်္သာရီ)