မြို့ပြဒေသများရှိ စားသုံးသူများ၏ နို့နှင့် နို့ထွက်ပစ္စည်းများအပေါ် ဝယ်လိုအား တည်ငြိမ်မှုနှင့် အာဟာရဓာတ် စားသုံးမှုပုံစံများ မြင့်မားလာမှုတို့က ဧရာဝတီတိုင်း ေသကြီး အတွင်း နို့စားနွားမွေးမြူရေးလုပ်ငန်းများကို တဖြည်းဖြည်း ဖွံ့ဖြိုးတိုးတက်စေပြီး ဒေသခံ မွေးမြူရေး သမားများအတွက် ဝင်ငွေရရှိရေး အခွင့်အလမ်းကောင်းတစ်ရပ်အဖြစ် ရပ်တည် လာစေကြောင်း သိရသည်။
ဧရာဝတီတိုင်းသည် မြစ်ဝကျွန်းပေါ်ဒေသဖြစ်ခြင်းကြောင့် မြက်ခင်းလယ်ကွင်းများ ကျယ်ပြန့်စွာရှိပြီး နွားစာအတွက် စိုက်ပျိုးရန် ကောက်ရိုးနှင့် စားကျက်များ ပေါများခိုင်မာသော အခြေအနေရှိသည်။ ထို့အပြင် ရန်ကုန်၊ ပဲခူးစသော မြို့ပြကြီးများသို့ သယ်ယူပို့ဆောင်ရေး လမ်းကြောင်း အတော်အသင့် ရှိခြင်းကြောင့် နို့ထွက်ပစ္စည်းများ ဈေးကွက်သို့ ချက်ချင်း ရောက်ရှိ နိုင်ကာ လတ်ဆတ်မှုကို ထိန်းသိမ်းနိုင်ခြင်းသည် ဒေသအတွက် ပြိုင်ဆိုင်မှုအားသာချက် တစ်ရပ် ဖြစ်စေသည်။
မွေးမြူရေးသမားအများစုသည် ဒေသခံဈေးကွက်များသို့ တိုက်ရိုက်ရောင်းချခြင်း သို့မဟုတ် ဒေသအခြေစိုက် နို့ကုမ္ပဏီကြီးများ၏ ကွန်ယက်များတွင် ပါဝင်ဆောင်ရွက်ကြခြင်းဖြင့် ၎င်းတို့၏ ထွက်ကုန်များအတွက် ဈေးကွက်ရှာဖွေရန် အခက်အခဲမရှိကြောင်း သိရသည်။ ယခုကဲ့သို့ နို့စားနွားမွေးမြူရေး ဖွံ့ဖြိုးလာမှုသည် ကျေးလက်ဒေသဖွံ့ဖြိုးရေးနှင့် ဝင်ငွေ တိုးတက်ရေးအတွက် အရေးပါသော လမ်းကြောင်းတစ်ခုဖြစ်ပြီး အာဟာရဖူလုံရေးအတွက်လည်း အထောက်အကူပြုလျက်ရှိသည်။ သို့ရာတွင် မွေးမြူရေးသမားများအနေဖြင့် တိရစ္ဆာန် ကျန်းမာရေးစောင့်ရှောက်မှုနှင့် ဈေးကွက်အခြေအနေများကို စဉ်ဆက်မပြတ် သိရှိနားလည်ထားရန် လိုအပ်လှပါသည်။
DOCA (ဧရာဝတီ)