စက်သုံးဆီဈေးနှုန်းများ ဆက်လက်မြင့်တက်လျက်ရှိ

           ကယားပြည်နယ်၊ လွိုင်ကော်မြို့တွင် စက်သုံးဆီအရောင်းဆိုင်(၁၄)ဆိုင် ပုံမှန်ဖွင့်လှစ်ရောင်းချလျက်ရှိပြီး စက်သုံးဆီပြတ်လပ်မှုမရှိသော်လည်း ဈေးနှုန်း ပိုမိုမြှင့်တက်လာသည်ကိုတွေ့ရပါသည်။ စက်သုံးဆီ လက်လီဈေးနှုန်းများမှာ ယခု စက်တင်ဘာလ တတိယပတ်အတွင်း ဒီဇယ်ရိုးရိုး တစ်လီတာကို (၃၀၇၀)ကျပ်၊ ဒီဇယ် (ပရီမီယမ်) တစ်လီတာကို (၃၁၅၆) ကျပ်၊ ဓါတ်ဆီ 92 တစ်လီတာ ကို (၂၄၅၀)ကျပ်နှင့် ဓါတ်ဆီ 95 တစ်လီတာကို (၂၅၅၅)ကျပ်တို့ဖြင့် ရောင်းချလျက်ရှိပြီး ယခင် စက်တင်ဘာလ ဒုတိယပတ်တွင် ဒီဇယ်ရိုးရိုး တစ်လီတာကို (၂၈၃၀) ကျပ်၊ ဒီဇယ် (ပရီမီယမ်) တစ်လီတာကို(၂၉၁၅) ကျပ်၊ ဓါတ်ဆီ 92 တစ်လီတာကို (၂၃၇၅)ကျပ် နှင့် ဓါတ်ဆီ 95 တစ်လီတာကို (၂၄၅၅) ကျပ်သာရှိခဲ့ပြီး ယခင်စက်တင်ဘာလ ဒုတိယအပတ်နှင့် ယခုစက်တင်ဘာလ တတိယ ပတ်အတွင်း ဖြစ်ပေါ်နေသော ဈေးနှုန်းများကို နှိုင်းယှဉ် ကြည့်လျှင် ဒီဇယ်ရိုးရိုး တစ်လီတာကို (၂၄၀ ) ကျပ်၊ ဒီဇယ် (ပရီမီယမ်) တစ်လီတာကို (၂၄၁) ကျပ်၊ ဓါတ်ဆီ 92 တစ်လီတာ ကို(၇၅) ကျပ် နှင့်ဓါတ်ဆီ (95) တစ်လီတာ ကို(၁၀၀)ကျပ် ထိ ဈေးနှုန်း များမြင့်တက်လာကြောင်း၊ ဈေးနှုန်းမြှင့် တက်လာရခြင်းမှာ ကမ္ဘာ့ရေနံဈေးနှုန်းမြှင့်တက်လာမှုနှင့် ပြင်ပ ဈေးကွက်ရှိ နိုင်ငံခြားငွေလဲနှုန်းများ ဆက်လက်မြင့်တက်နေခြင်းကြောင့်ဖြစ်သည် ဟုသိရှိရပါသည်။

DOCA(ကယား)