(၁၁-၉-၂၀၂၅) ရက်နေ့၊ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ ဧရာဝတီ တိုင်းဒေသကြီး၊ မအူပင်ခရိုင်ဦးစီးမှူးရုံး၊ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုး (အငယ်တန်းစာရေး) သည် ဓနုဖြူ မြို့ (၁၁)ရပ်ကွက် (၂)လမ်းရှိ ပိုင်ရှင် ဒေါ်လှလှမြင့်၏ ပဲကြက်ခေါက်မုန့်လုပ်ငန်းခွင်သို့ သွားရောက်၍ ထုတ်ကုန်လုံခြုံစိတ်ချရမှုရှိစေရန် ကွင်ဆင်းစစ်ဆေး အသိပညာပေး ဆောင်ရွက်ခြင်း ပြုလုပ်ခဲ့ပါသည်။
အဆိုပါကွင်ဆင်းဆောင်ရွက်မှုတွင် ဦးခိုင်လွမ်းမိုးက တစ်နိုင်တပိုင်လုပ်ကိုင် ဆောင်ရွက် လျှက်ရှိသော ပဲကြက်ခေါက်လုပ်ငန်းရှင် ဒေါ်လှလှမြင့်နှင့် တွေ့ဆုံ၍ မုန့်လုပ်ငန်း ဆောင်ရွက်ပုံ အဆင့်ဆင့်ကိုမေးမြန်းပြီး ကုန်ကြမ်းဝယ်ယူမှု တစ်နေ့တာ အသုံးပြုကုန်ကျစရိတ်နှင့် ထွက်ရှိသော မုန့်များတွက်ခြေကိုက် အကျိုး အမြတ်ရရှိမှု အခြေအနေများ၊ မုန့်များ ဈေးကွက်ဖြန့်ချီမှု လုပ်ငန်း အဆင့်ဆင့်ကို ပိုင်ရှင်မှ ရှင်းလင်း ပြောကြား ပြီး၊ စားသုံးသူရေးရာဦးစီးဌာနမှ စားသုံးသူကာကွယ်ရေး ဥပဒေပါ အခန်း(၁၈)၏ ကုန်အညွှန်းအမှတ်အသား ဖော်ပြပါဝင်ရမည့် အချက်အလက်များအကြောင်းနှင့် စီးပွားရေးလုပ်ငန်းရှင်တာဝန်များအကြောင်းကိုလည်းကောင်း၊ စားသုံးသူဘေးအန္တရာယ်ကင်းရှင်သော ကုန်စည်များကို ဈေးကွက်အတွင်း ဖြန့်ချီနိုင်ရေး ပဲကြက်ခေါက်မုန့် လုပ်ငန်း Packing ထုတ်ပိုးမှု အဆင့်မြှင့်တင်နိုင်ရေးနှင့် မုန့်လုပ်ငန်းတို့အား စားသောက်ကုန်လုံခြုံစိတ်ချရေး ဆိုင်ရာလမ်းညွှန် ချက်များနှင့်အညီ မုန့်ထုတ်လုပ်သော ကုန်ကြမ်းနှင့်လုပ်ငန်းခွင်များ ကျန်းမာရေးနှင့်ညီညွတ်မှုရှိစေရေးတို့ကို အကျယ်တဝင့် ရှင်းလင်းအသိပညာပေးဆွေးနွေးခဲ့ကြောင်း သတင်း ရရှိပါသည်။
DOCA(ဧရာဝတီ)