ကမ္ဘောဒီးယားနိုင်ငံ၊ စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာန (MAFF) နှင့် ကမ္ဘောဒီးယား ကုန်သည်ကြီးများအသင်း (CCC) တို့ ပူးပေါင်းပါဝင်သည့် ကျေးလက်စီးပွားရေးနှင့် စိုက်ပျိုးရေး ကုန်သွယ်မှု အစီအစဉ် (ASPIRE-AT) ၏ Agricultural Services Programme (ASPIRE-AT) ၏ မူဘောင်အရ နားလည်မှုစာချွန်လွှာ (MoU) လက်မှတ်ရေးထိုးပွဲ အခမ်းအနား ကို ကျင်းပခဲ့ကြသည်။ ၁၂-၉-၂၀၂၅ ရက်နေ့တွင် ကျင်းပခဲ့သည့် အဆိုပါ အခမ်းအနားကို MAFF ၏ နိုင်ငံခြားရေး ၀န်ကြီး Meas Piseth နှင့် ASPIRE-AT Program ၏ ညွှန်ကြားရေးမှူး နှင့် ကမ္ဘောဒီးယား ကုန်သည်ကြီးများအသင်း (CCC) မှ ညွှန်ကြားရေးမှူးချုပ် Nguon Mengtech တို့က ဦးဆောင် ဆောင်ရွက်ခဲ့ကြသည်။ အဆိုပါ အခမ်းအနားသို့ အဖွဲ့အစည်းနှစ်ရပ်လုံးမှ တာဝန်ရှိသူများနှင့် အစီအစဉ်မှူးများ တက်ရောက်ခဲ့ကြောင်း MAFF ၏ ထုတ်ပြန်ချက်အရ သိရသည်။ အဆိုပါ နားလည်မှုစာချွန်လွှာသည် စိုက်ပျိုးရေးထွက်ကုန်များ ရောင်းဝယ် ဖောက်ကားခြင်းနှင့် အသေးစားနှင့် အလတ်စားစီးပွားရေးလုပ်ငန်းများ (SMEs) များ၏ စွမ်းဆောင်ရည်ကို အားကောင်းလာစေရန်အတွက် ASPIRE-AT အစီအစဉ်ဖြင့် MAFF နှင့် ကမ္ဘောဒီးယား ကုန်သည်ကြီးများအသင်း (CCC) တို့အကြား ပူးပေါင်းဆောင်ရွက်မှုကို တရားဝင်လုပ်ဆောင်ခဲ့ခြင်းဖြစ်ကြောင်း MAFF မှ ထုတ်ပြန်ထားသည်။ အမှာစကားပြောကြားရာ တွင် Meas Piseth နှင့် Nguon Mengtech တို့က အဖွဲ့အစည်းနှစ်ခုလုံး၏ အခန်းကဏ္ဍနှင့် တာဝန်များကိုမီးမောင်းထိုးပြခဲ့ပြီး တောင်သူများနှင့်ပုဂ္ဂလိကကဏ္ဍအပါအဝင် စိုက်ပျိုးရေး တန်ဖိုးကွင်းဆက်တွင် ပါဝင်ပတ်သက်သူအားလုံးကို ပံ့ပိုးကူညီရန် ပူးပေါင်းဆောင်ရွက်ခြင်း၏ အရေးကြီးမှုကို အလေးပေးပြောကြားခဲ့ကြသည်။ အထူးသဖြင့် စားနပ်ရိက္ခာဖူလုံမှုရှိစေရန် စိုက်ပျိုးရေးကဏ္ဍဖွံ့ဖြိုးတိုးတက်ရေး၊ နိုင်ငံတော်၏ စီးပွားရေးဖွံ့ဖြိုးတိုးတက်မှုနှင့် ပြည်သူများ၏ အသက်မွေးဝမ်းကျောင်းမှု မြှင့်တင်ရေးကဏ္ဍတွင် အဓိကစိန်ခေါ်မှုများကို ကိုင်တွယ်ဖြေရှင်းရန် လိုအပ်ကြောင်းလည်း Piseth က ထပ်လောင်းပြောကြားသည်။
DOCA(ရန်ကုန်)