စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ် တာဝန်ခံသည် (၇.၉.၂၀၂၅)ရက်နေ့မှ (၁၁.၉.၂၀၂၅)ရက်နေ့အထိ နံနက်(၀၉:၀၀)မှ (၁၂:၀၀)အချိန်အထိ တောင်တွင်းကြီးမြို့ရှိ လက်ကား/လက်လီဆီကုန်သည်များ၏ စားအုန်းဆီဖြန့်ဖြူးရောင်းချမှုအား မြို့နယ်စီမံခန့်ခွဲ ရေးနှင့်အုပ်ချုပ်ရေးကော်မတီ၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ အထူးစုံစမ်း စစ်ဆေးရေးအဖွဲ့တို့နှင့် ပူးပေါင်းပြီး ရှောင်တခင်ကွင်းဆင်းစစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် လက်လီ/လက်ကား ဆီကုန်သည်များမှ ခွဲတမ်းရရှိသော စားအုန်းဆီများအား စားသုံးသူများလက်ဝယ်သို့ ပြန့်ပြန့်နှံနှံရောက်အောင် အပတ်စဉ်ထုတ်ပြန်ပေး လျက်ရှိသော သတ်မှတ်ရည်ညွှန်းစျေးနှုန်းများအပေါ်တွင် သယ်ယူစရိတ်နှင့် အမြတ်(၂%)ပေါင်း၍ စားအုန်းဆီ(၁) ပိဿာလျှင် (၇.၉.၂၀၂၅)ရက်နေ့တွင် ကျပ်(၇၁၉၀)၊ (၁၁.၉.၂၀၂၅)ရက်နေ့တွင် ကျပ်(၇၃၇၀)ဖြင့် မြို့ပေါ် ရပ်ကွက်နှင့် ကျေးရွာများရှိ အိမ်ထောင်စုတစ်စုလျှင် (၁)ပိဿာ နှုန်းဖြင့် ရောင်းချနေကြောင်း၊ ကိုယ်စားလှယ်အမည်နှင့် စျေးနှုန်းတို့အား ဗီနိုင်းများဖြင့် အများမြင်သာအောင် ကြော်ငြာရောင်းချနေကြောင်း၊ ဆီတိုင်ကီများတွင် မြေပဲဆီ၊ နှမ်းဆီဟုသိသာပေါ်လွင်အောင် ရေးသား ရောင်းချနေကြောင်းနှင့် ရောနှောဆီရောင်းချမှုမရှိကြောင်း သိရှိရပါသည်။
DOCA(မကွေး)