မြင်းခြံမြို့နယ်သည် ပဲမျိုးစုံ၊ ပြောင်း၊ ဆီထွက်သီးနှံနှင့် ကြက်သွန်နီသီးနှံများ စိုက်ပျိုးလျက် ရှိရာ စားသုံးဆီဖူလုံရေးအတွက် မြေပဲသီးနှံကိုလည်း တောင်သူများအနေဖြင့် နှစ်စဉ်စီးပွားဖြစ် စိုက်ပျိုးလျက်ရှိကြောင်း၊ စိုက်ပျိုးချိန်မှ ရိတ်သိမ်းချိန်အထိ (၄)လကျော် ကြာမြင့်ကြောင်း၊ ၂၀၂၅ခုနှစ်၊ စက်တင်ဘာလဒုတိယပတ်တွင် မြေပဲလုံးဆံတစ်တင်းလျှင် (၁၀၂၀၀၀) ကျပ်၊ မြေပဲဆီဆံ တစ်တင်းလျှင် (၉၃၈၀၀) ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ယခင် ဩဂုတ်လ ဒုတိယပတ်တွင် မြေပဲ လုံးဆံတစ်တင်းလျှင် (၁၀၃၅၀၀) ကျပ်၊ မြေပဲဆီဆံတစ်တင်းလျှင် (၉၅၀၀၀) ကျပ်ခန့်ပေါက်ဈေးများ ဖြင့်အရောင်းအဝယ်ဖြစ်ခဲ့ကြောင်း၊ ကာလတူနှိုင်းယှဉ်ပါက မြေပဲလုံးဆံ တစ်တင်းလျှင် (၁၅၀၀) ကျပ်၊ မြေပဲဆီဆံတစ်တင်းလျှင် (၁၂၀၀) ကျပ်ခန့်ဈေးနှုန်းများ ကျဆင်းခဲ့ကြောင်း၊ မြေပဲအသစ် များပေါ်ထွက်နေပြီဖြစ်သောကြောင့် ဈေးများအနည်းငယ်ကျ ဆင်းကြောင်း၊ ကျေးရွာများမှ ထွက်ရှိသောမြေပဲဆံများကို ဒေသတွင်းဆီစက်များမှ ဆီကြိတ်ခွဲ၍ ပိုလျှံသောမြေပဲဆံများကို ပခုက္ကူမြို့နှင့် ရန်ကုန်မြို့သို့တင်ပို့ ရောင်းချကြောင်း ကုန်စည်ဒိုင်မှ တာဝန်ရှိသူ၏ ပြောပြချက် အရသိရှိရသည်။
DOCA(မန္တလေး)