ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်၊ တာဝန်ခံ ဒေါ်ဇင်မာသန်း နှင့်ဝန်ထမ်း များသည် (၁၇.၉.၂၀၂၅)ရက်နေ့ နံနက် (၁၁:၀၀)နာရီက စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် စားသုံးဆီကိုယ်စားလှယ်များနှင့် ပူးပေါင်း၍ လက်လီ၊ လက္ကားရောင်းချသူများအား ဆီစာအုပ်ဖြင့် ဖြန့်ဖြူးရောင်းချပေးမှု အားရှင်းလင်းဆွေးနွေးဆောင်ရွက်ခဲ့ပါသည်။
ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားအုန်းဆီဖြန့်ဖြူးမှုနှင့် ပတ်သက်ပြီး မှတ်တမ်း(၆)မျိုးဖြစ်သော မှန်(၆)မှန်အား ရှင်းလင်းအသိပေးခြင်း၊ ဆီစာအုပ်ဖြင့် စားသုံးသူပြည်သူများ အား ထုတ်ပေးရာတွင် အကြိမ်ရေ မှန်ကန်အောင်ရောင်းချပေးနိုင်ရေး၊ အရည်အသွေး၊ အလေးချိန်မှန်ကန်အောင် ရောင်းချနိုင်ရေး၊ သတ်မှတ်ရည်ညွှန်းဈေးဖြင့် ရောင်းချကြရန် စားသုံးဆီလက်လီ၊ လက္ကားရောင်းချသော လုပ်ငန်းရှင် များသို့ အသေးစိတ်ရှင်းလင်းဆွေးနွေးမှာကြားခဲ့ပါသည်။ ဆွေးနွေးပွဲသို့ စားသုံးဆီရောင်းချသူ လုပ်ငန်းရှင်(၃၉)ဦး တက်ရောက်ခဲ့ကြောင်းသိရှိရပါသည်။
DOCA (ဧရာဝတီ)