ပြည်ဈေးကွက်၌ ကြက်သွန်နီဈေးနှုန်းများ ယခုအပတ်တွင် ဈေးဆက်လက်ငြိမ်နေခဲ့ပါသည်။ ဆိပ်ဖြူ၊ အောင်လံဘက်မှ ကြက်သွန်နီ (၂၅)ပိဿာ ဝင်အိတ် ၃၀၀ခန့် နေ့စဉ် အဝင်ရှိနေပါသည်။ ပန်းတောင်း(ဥသျှစ်ပင်)၊ သာယာဝတီခရိုင်နှင့် ဧရာဝတီ (ကြံခင်း) ဘက်တို့သို့ စီးဆင်း ရောင်းဝယ် မှုနှင့်အတူ ပြည်ဒေသတွင်း ဈေးကွက်ရောင်းဝယ်မှုအပါအဝင် ဝင်ရောက်မှု၏ ထက်ဝက်ခန့် နေ့စဉ် အရောင်းအဝယ်ဖြစ်နေပါသည်။ ဈေးနှုန်းများအနေနှင့် ပွဲရုံဈေး တစ်ပိဿာလျှင် (ကြီး/လတ်/သေး) ကျပ် ၃၂၀၀/၃၃၀၀/၃၄၀၀ တို့ရှိပြီး လက်လီဈေးအသေးများတွင် ကြီး/လတ်/သေး ကျပ် ၃၅၀၀/ ၃၇၀၀-၃၈၀၀/၃၉၀၀-၄၀၀၀ နှုန်းတို့ဖြင့် ယခင်အပတ်ကအတိုင်း ဈေးငြိမ်ပြီး ရောင်းဝယ်လျှက် ရှိနေကြောင်း သိရှိရပါသည်။
DOCA(ပဲခူး)