(၁၇.၉.၂၀၂၅)ရက်နေ့ နံနက်(၁၀:၄၀)နာရီချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၃)ဦးတို့သည် လှိုင်သာယာ(အနောက်ပိုင်း)မြို့နယ်ရှိ အမှတ်(၂၀)ဈေးတွင် စားအုန်းဆီဖြန့်ဖြူးရောင်းချနေခြင်းအား ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် ဈေးတာဝန်ခံ ပူးပေါင်းပါဝင်လျက် ရုံ(ဃ)၊ အခန်း(၂၂)ရှိ ဒေါ်စန္ဒာဝင်း ကုန်မျိုးစုံဆိုင်တွင် စားအုန်းဆီကို နေ့စဉ်ပုံမှန်အတိုင်းခွဲတမ်းရရှိပါကြောင်း၊ ရရှိသောခွဲတမ်းများကို ရပ်ကွက်နေပြည်သူများသို့ တစ်နေ့လျှင် တစ်အိမ်ထောင်ကို (၅၀)ကျပ်သားနှုန်းဖြင့် (၁)လကို (၂.၅၀) ကျပ်သားပေးပါကြောင်း၊ တစ်နေ့စာတစ်နေ့ကုန်အောင်ရောင်းချပေးပါကြောင်း၊ လက်ကျန်လည်း မထားရှိပါကြောင်း၊ ဈေးနှုန်းမြှင့်တင်ရောင်းချခြင်းလည်းမရှိပါကြောင်းနှင့် မိမိတို့ဌာနမှလည်း ဈေးကစားရန် ရည်ရွယ်ချက်ဖြင့် သိုလှောင်ထားခြင်းများရှိခဲ့လျှင် အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA (ရန်ကုန်)